Испания ва Португалия жаҳон чемпионати учун мезбонлик қилмоқчи
Ушбу давлатлар 2030 йилги чемпионат учун курашмоқда.
Испания ва Португалия давлатлари 2030 йилги жаҳон чемпионати мезбонлиги учун биргаликда ариза бериш ниятида.
Испанияда аллақачон жаҳон чемпионати ўйинларини ўтказиш ҳуқуқига эга бўлган 14 та арена мавжуд. Шуниси эътиборга лойиқки, Испания асосий давлат бўлиб, Португалиядан режалаштирилган учта стадион чемпионатга мезбонлик қилиши мумкин. Бу ҳақда “Маrса” нашри хабар берди.
Португалия “Да Луз”, “Драгау” ва “Хосе Алваладе” стадионларини таклиф қилмоқда. Испания эса “Сантяго Бернабеу”, “Ванда Метрополитано”, “Камп Ноу”, “Корнеля”, “Ла-Картуха”, “Сан-Мамес”, “Месталя”, “Риазор”, “Эл-Молинон”, “Ла Ромареда”, “Реале Арена”, “Ла Росаледа”, “Гран Канария” стадионларини ариза учун кўриб чиқмоқда.
