Евро-2020 қаҳрамони Парижда ўз ўрнини тополмаяпти
Доннарумма “ПСЖ”даги рақобатда Навасга енгилдими?
Бир йил аввал Жанлуижи Доннарумма Евро-2020 финали қаҳрамонига айланганди. Англияга қарши баҳ олиб борган Италия терма жамоаси иккинчи дақиқадаёқ гол ўтказиб юборганди. Аммо икки соатдан кейин Доннарумма ақл бовар қилмайдиган ишни амалга оширди. У пенальтилар цериясида иккита пенальтини қайтариб, ўз мамлакатига Европа чемпиони унвонини олиб келди. Бу церия италиялик дарвозабон учун мазкур турнирнинг чўққиси бўлди. Ҳатто гуруҳ босқичида ҳам Доннарумма учта “қуруқ” ўйин ўтказди – Туркия (3:0), Швейцария (3:0) ва Уэлс (1:0). Италияда дунёнинг энг яхши дарвозабони бор. Доннарумма шу тариқа халқининг умидига айланди.
Евро-2020 ўйинида италиялик футболчининг дарвозасига Саша Калажжич (Австрия), Ромелу Лукаку (Бельгия), Алваро Мората (испания) ва Люк Шоу (Англия) тўп киритишга муваффақ бўлишди.
Европа чемпионати давомида Италия жамоаси «қуруқ» церия қайд этиб, жаҳон рекордини янгилади (кетма-кет 1144 дақиқадан кўпроқ вақт гол ўтказиб юбормади). Доннарумма Италия терма жамоаси тарихида халқаро турнирлардаги энг ёш дарвозабонга айланди. Италиялик футболчи асосий ва қўшимча бўлимларда ажойиб ўйин кўрсатди.
Доннарумма, шубҳасиз, Евро-2020 қаҳрамонига айланди. У турнирнинг энг яхши футболчиси сифатида эътироф этилди. Европа чемпионатида энг кўп дақиқани майдонда ўтказди ва рамзий терма жамоа сафидан жой олди.
“ПСЖ”да Доннаруммага нима бўлди?
Ўтган йили ёзда Доннарумма “ПСЖ” билан беш йиллик шартнома имзолади, аммо Евро-2020ни ажойиб ўтказганига қарамай , у Кейлор Навасдан устун кела олмади. Бутун мавсум давомида италиялик футболчи “Реал Мадрид”нинг собиқ дарвозабонига қараганда камроқ ўйин ўтказди. Навас Лига 1да Доннаруммадан яхшироқ ўйнади, ҳар бир ўйинда камроқ гол ўтказиб юборди. Жанлуижига келсак, у Чемпионлар лигасининг сўнгги мавсумида “Реал”га қарши жавоб ўйинида қўпол хатога йўл қўйди.
Ажабланарлиси шундаки, Доннарумма 38 та ўйиндан атиги 17тасини ўтказганига қарамай Лига 1да мавсумининг энг яхши дарвозабони бўлди. Аммо Жанлуижи Францияда ўз ўйинини топа олмади (у барча ўйинларда ўйнашни хоҳларди). Маҳаллий журналистлар дарвозабон “Милан” қайтишни хоҳлаётгани ҳақида ёзмоқда.
Дарвозабон ОАВ вакиллари билан бўлган бир учрашувда шундай деган эди: “ПСЖ” вакиллари мен билан боғланиб, мени ўз жамоаларида кўришни хоҳлаётганликларини айтишди. Рақобат мени қўрқитмайди. Кейлор Навас ақл бовар қилмайдиган дарвозабон, лекин мен бу ерга футбол ўйнаш учун келдим. Рақобат иккаламиз учун ҳам фойдали. Бу менга ўсиш имконини беради. Катта клубларда доим рақобат бўлади. Навас зўр йигит, биз дўстмиз. Мен дунёнинг энг яхши дарвозабонларидан бирига айланишни хоҳлайман. Бу маълум йўқотишларни талаб қилади”.
Футболчининг тақдири нима бўлиши номаълум. Доннарумма жуда ачинарли ҳолатда. У мамлакат қаҳрамони ва Европанинг энг яхши футболчисидан “ПСЖ”да азоб чекаётган дарвозабонга айланди. Кейинги мавсумда катта эҳтимол билан вазият ўзгармайди. Наваснинг 2 йиллик шартномаси қолди ва “ПСЖ” уни сотмоқчи эмас. Демак, клубнинг иккала юлдуз посбони ўртасидаги рақобат давом этади.
Жамшидбек Амиров
