Чемпионат бошланишини интиқлик билан кутяпман — Стерлинг
Футболчи “Челси”га ўтганидан хурсанд.
“Манчестер Сити”дан Лондоннинг “Челси” клубига ўтган ҳужумчи Раҳим Стерлинг ўзининг трансфери ҳақида гапирди:
“Аввало, мен бу ерда эканлигимдан жуда хурсандман. Фаолиятимда кўп ютуқларга эришдим. Аммо бошқа совринларни ютиш учун имкониятлар сабаб “Челси”ни танладим. Чемпионат бошланишини интиқлик билан кутяпман”, — дея Стерлингнинг сўзларидан “Sky Sports ” нашри иқтибос келтирган.
27 ёшли англиялик футболчи билан 5 йиллик шартнома имзоланган. Томонларнинг трансфер суммаси ҳозирча ошкор этилмаган. Трансфермаркт портали футболчининг нархини 70 миллион еврога баҳоламоқда.
Эслатиб ўтамиз, Стерлинг “Сити”даги фаолияти давомида 337 ўйинда 131 та гол урди ва 94 та голли узатмани амалга оширди.
