Де Ёнг Манчестерга ўтишни истамаяпти
Бу ҳақда унинг агентлари маълум қилган.
“Барселона” ярим ҳимоячиси Френки де Ёнгнинг агентининг сўзларига кўра футболчи “Манчестер Юнайтед”га ўтишни истамаяпти. Бу ҳақда “Sport.es” нашри хабар берди.
Нашрнинг ёзишича, агент инглиз клуби бош директоридан ярим ҳимоячи трансферини талаб қилишни бас қилишни сўраган.
Эслатиб ўтамиз, аввалроқ голландиялик ярим ҳимоячининг агентлари Али Дурсун ва Ҳасан Четинкая “Барселона”га ўз футболчиси ҳалигача кетиш нияти йўқлигини айтишган эди. Бундан ташқари, улар каталонияликларга ярим ҳимоячининг маошни қисқартиришга ёки у билан боғлиқ музокараларга рози эмасликларини маълум қилишган.
Де Ёнгнинг “Барселона” билан амалдаги шартномаси 2026 йилнинг 30 июнига қадар мўлжалланган. Ярим ҳимоячи ўтган мавсумда Ла Лиганинг 32 ўйинида майдонга тушиб, 3 та гол урди ва 3 та голли узатмани амалга оширди.
