Мессининг хайрия ишлари

 

Аргентиналик футболчи 2007 йилда ўзининг хайрия жамғармасини тузди ва у орқали қийин вазиятларда қолган муҳтож болаларга ёрдам беради. Жамғарманинг энг йирик лойиҳаларидан бири бошқа ташкилотлар билан биргаликда Барселонадаги болалар онкология маркази қурилишини молиялаштиришдир. 2022 йилда Лео ташкил этилган касалхонага шахсан ташриф буюрди, бунинг учун у 2,5 миллион евродан кўпроқ пул берди. Лео бундан ташқари мактабларни ҳам фаол қўллаб-қувватлайди.

 

Бунга мисол қилиб, Ғазодаги мактаб қурилишини, Суриядан келган болалар учун ўқув тўпламлари, Росариодаги мактабни таъмирлашни келтиришимиз мумкин. Бундан ташқари Лео фонди бутун дунё бўйлаб кўплаб таълим лойиҳаларига эга ҳисобланади.

 

Месси мазкур фондга раҳбарлик қилишдан ташқари, UNISEF’нинг элчиси ҳисобланади. Ҳамда ушбу ташкилотнинг ташаббусларини қўллаб-қувватлайди.

 

Муҳтож болаларга ёрдам беришнинг яна бир тури бу хайрия футбол учрашувларини ташкил этишдир. Месси иштирокидаги биринчи хайрия ўйини 2013 йили Колумбияда бўлиб ўтган. Коронавирус пандемияси даврида Месси иккита касалхонага Каталония ва ватани Аргентинага 1 миллион евро хайрия қилди.

 

2018 йилда Лео жамғармасининг собиқ ходими ташкилот пулларини ўғирлашда айбланди: гўёки пул оффшорда олиб қўйилган ва хайрия ишларига етказилмаган. 2020 йилда Лео шу масала бўйича судда ғалаба қозонишга муваффақ бўлди.

 

Кўплаб хайрли ишлар эътибордан четда қолмайди. 2020 йилда Лео “Қадриятлар” мукофотига лойиқ деб топилади.