Роналдуга катта миқдордаги маблағ таклиф қилинди
У дунёдаги энг кўп маош олувчи футболчига айланиши мумкин.
Криштиану Роналду дунёдаги энг кўп маош олувчи футболчига айланиши мумкин. АС хабарига кўра, Саудия Арабистони клуби португалиялик ҳужумчининг трансфери учун 300 миллион евро таклиф қилган. Бу сумманинг катта қисми футболчига ажратилади.
Роналду икки йиллик шартнома учун 250 миллион олиши мумкин, яна 30 миллиони унинг амалдаги клуби - "Манчестер Юнайтед"га, яна 20 миллиони агентларга тўловлар учун режалаштирилган эди.
Бироқ мутахассисларнинг фикрича, футбол юлдузи Арабистон ярим оролидан келган бундай саховатли таклифни рад этади. Роналду ҳали ҳам фаолияти якунига қадар Чемпионлар лигасида ғалаба қозонишни истайди ва шу боис Европада ҳеч бўлмаганда яна бир мавсум ўтказмоқчи.
Эслатиб ўтамиз, аввалроқ Роналду "Манчестер Юнайтед"ни тарк этишга яқин эканлиги ва клубнинг мавсумолди турини ўтказиб юбориши маълум бўлганди.
