Дибала “Рома” билан шартнома имзолайди
Моуриньо футболчига қўнғироқ қилди.
Аргентиналик ҳужумчи Пауло Дибала “Рома” билан шартнома имзолайди. Бу ҳақда италиялик журналист Фабрицио Романо хабар бермоқда.
Қайд этилишича, аргентиналик футболчи 2025 йилнинг ёзига қадар шартнома имзолайди. Футболчининг трансферида асосий омил “Рома” бош мураббийи, португалиялик Жозе Моуриньо бўлди, у футболчига қўнғироқ қилиб, ўзининг режалари ҳақида гапирди. Барча ҳужжатлар тайёрланмоқда.
Туриннинг “Ювентус” клуби билан шартномани узайтириш борасида келиша олмаётган эди.
Эслатиб ўтамиз, 2015 йилдан буён Дибала “Ювентус”да ўйнаб келаётган эди. У бу вақт давомида 293 та ўйинда 115 та гол урди ва 48 та голли узатмани амалга оширди.
Олдинроқ футболчига “Интер”, “Наполи” ҳамда Англиянинг бир қанча клублари қизиқиш билдираётгани ҳақида хабарлар тарқалган эди.
