“Бавария” Бенжамин Павар билан хайрлашишга тайёр
Клуб футболчи учун 35 миллион евро сўрамоқда.
Мюнхеннинг “Бавария” клуби франциялик ҳимоячи Бенжамин Павар билан хайрлашишга тайёр. Бу ҳақда журналист Флориан Плеттенберг ўзининг ижтимоий тармоқдаги саҳифасида маълум қилди.
Плеттенбергнинг сўзларига кўра, мюнхенликлар жаҳон чемпиони учун тахминан 35 миллион евросўрамоқда. Бенжамин Павар 2019 йилда Германиянинг бошқа бир клуби – “Штутгарт”дан “Бавария”га ўтган эди. Мюнхенликлар таркибида француз футболчиси чемпионлик билан бирга, Германия кубоги ва Суперкубоги, шунингдек, Чемпионлар лигаси ва UEFА Суперкубогини қўлга киритди. Қолаверса, Павар Франция терма жамоаси сафида жаҳон чемпиони ҳисобланади.
Эслатиб ўтамикз, Паварднинг амалдаги шартномаси 2024 йилнинг ёзига қадар мўлжалланган. Трансфермракт портали футболчининг нархини 30 миллион еврога баҳоламоқда. Ўтган мавсумда Павард барча турнирларда 36 та ўйинда майдонга тушиб, 2 та голли узатмани амалга оширган.
