Биз ҳимояни кучайтириш ҳақида ўйлаяпмиз — Лапорта
“Барселона” президенти клубнинг трансфер режалари ҳақида гапирди.
Каталониянинг “Барселона” клуби президенти бўлган Лапорта полшалик ҳужумчи Роберт Левандовски билан шартнома имзолаганидан сўнг жамоанинг трансфер режалари ҳақида фикр билдирди.
“Левандовски билан келишувдан сўнг биз ҳимояни кучайтириш ҳақида ўйлаяпмиз”, — деди президент.
16 июль куни Левандовскининг “Барселона”га ўтиши эълон қилинган эди. Трансфермаркт хабарига кўра, полякнинг трансфери каталонияликларга 45 миллион еврога тушган.
Эслатиб ўтамиз, Левандовски “Бавария”да 2014 йилдан бери тўп суриб келаётган эди. Умуман олганда, полшалик ҳужумчи мюнхенликлар сафида 375 та ўйин ўтказиб, 344 та гол урган ва 72 та голли узатмани амалга оширган.
