Дунёнинг энг совриндор футболчиси янги жамоага ўтди
У Каталония клубини тарк этди.
Дунёнинг энг номдор футболчиларидан бири Дани Алвес “Барселона”ни яна тарк этди. Бразиялик Мексиканинг “Пумас” клуби билан бир йиллик шартнома имзолади.
Дани аллақачон 39 ёшни қарши олди. Лекин у ҳали ҳам Бразилия терма жамоаси сардори ҳамда ЖЧ-2022 фаворитларидан бири ҳисобланади. Селесао Тите эса Данининг терма жамоада фаолиятини давом эттиришини ва Қатардаги жаҳон чемпионатига боришини истаётганини маълум қилди. Унинг фикрича футболчи жамоанинг асосий ўйинчиларидан бири, бундан ташқари Неймарнинг ўйинини назорат қилиш вазифасини бажаради.
Ўтган йилнинг ноябрь ойида Алвес Хавининг таклифи билан “Барселона”га қайтди. Очиғи, клуб бош мураббийига ўша қийин даврда мана шундай етакчи керак эди. Бразилиялик футболчи Испания чемпионати футболчисига тўланиши мумкин бўлган минимал маошга рози бўлди. У йилига 155 000 евро ойлик олди.
Алвес бу давр мобайнида 15 та ўйин ўтказиб, битта гол урди ва 3 та голли узатмани амалга оширди. Айниқса, унинг февраль ойида "Aтлетико" билан ўйинда 1+1 ҳисобини қайд этди ва иккинчи бўлим ўрталарида майдонни тарк этди. Бразилиялик футболчи “Барса” сафида Испания чемпионатида ўйнаган энг кекса футболчига айланиб, клуб рекордини янгилади. Аввал клубда бу ёшда ҳеч ким гол урмаган. Ўшанда Каталония жамоаси таркибида Дани 1000-учрашувини ўтказди.
Бироқ “Барса” Алвес билан шартномани узайтирмади. Бразилиялик футболчи яна бир мавсум қолишга умид қилган. Ҳамда миш-мишларга қараганда жамоа раҳбарияти 2022 йилги жаҳон чемпионатидан кейин шартнома шартларини кўриб чиқишга рози бўлган. Аммо, каталонияликлар собиқ футболчининг ўрнига яна бир ўнг қанот ҳимоячиси Сезар Аспиликуэтани сотиб олди.
Дани эса клубдан кетиши ҳақида қуйидаги фикрларни билдириб ўтди:
“Мен жамоани ғамгин ҳолда тарк этмайман. Беш йилдан сўнг клубга яна қайтаман деб ўйламагандим. Ўтган йили клубга келганимда яна аввалгидек ўйнаб кета олишимга ишонмагандим. Бироқ, жамоада ажойиб ўйинлар кўрсата олдим деб ўйлайман. Мени клубга қайтарган Хави ва президентга чексиз миннатдорчилик билдираман. Айни дамда “Барселона” кўрсаткичларини яхшилаши керак”.
Бир қатор ОАВлар Алвес Испания чемпионатида қолиши мумкинлиги ҳақида хабар тарқатди. Улар “Валядолид” ва “Маллорcа” вариантлари ҳақида ёзишди.
Шунда Тите терма жамоа сардорининг олдига шарт қўйди: ЖЧ-2022га бориш учун у ўзига клуб топиши керак.
Якунда Дани Мексика клубини танлади. Ҳамда уларнинг таклифига рози бўлди.
Мехико шаҳрининг “Пумас” клуби етти карра мамлакат чемпиони ҳисобланади. Таниқли футболчилардан бу жамоада Алвесдан ташқари собиқ “Бенфикa” вингери Эдуардо Салвио ҳам ўйнайди.
Алвесда шунчалик кўп совринлар борки, сиз бу ҳисобда адашишингиз мумкин. Кимлардир уларнинг сонини 46 дона деб ўйлайди, бошқалар эса 42 та деб тахмин қилади.
2001 йилда “Нордест” кубоги ва “Баҳиан” жамоаси сафидаги ғалаба, Бразилия ёшлар терма жамоаси билан жаҳон чемпионатининг олтин медали ва 2018 йилда Франция Суперкубоги шулар жумласидан. Бразилиялик мукофотлар сони бўйича дунёда биринчи бўлиб қолмоқда. Унинг дўсти Лионел Месси 40 совринни эга ҳисобланади. Бу ҳужумчига Данининг рекордини янгилаш имконини беради.
Жамшидбек Амиров
