“Ювентус” Фирминони сотиб олмоқчи
Туринликлар “Ливерпул” ҳужумчиси учун 23 миллион евро таклиф қилмоқда.
Туриннинг «Ювентус» клуби “Ливерпул” ҳужумчиси Роберто Фирминога қизиқиш билдирмоқда. Туринликлар бразилиялик ҳужумчи учун 23 миллион евро таклиф қилди. Бу ҳақда “Tuttosport” нашри хабар берди.
30 ёшли Фирмино 2011 йилда “Хоффенҳайм” клубида тўп сурган. Тўрт мавсумдан сўнг ҳужумчи “Ливерпул”га ўтади. Англия жамоаси сафида Фирмино 327 учрашувда 98 та гол урди ва 74 та голли узатмани амалга оширди. Футболчи “Ливерпул” билан биргаликда олтита соврин, жумладан, Чемпионлар лигаси, Премьер-лига ва клублар ўртасидаги жаҳон чемпионатида ғолиб чиқди. Фирмино ва “Ливерпул” ўртасидаги амалдаги келишув 2023 йилнинг ёзида якунига етади.
