“Ўзгидромет” қатор ҳудудларни сел келиш хавфидан огоҳлантирди
29 июлдан 1 августгача сув-тошқин ҳодисалари юзага келиши айтилмоқда.
Хабарда келтирилишича, 29 июлдан 1 августгача кутилаётган ёмғирлар ёғиши сабабли тоғолди ва тоғли ҳудудларда:
- Тошкент вилояти — Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида;
- Наманган вилояти — Поп, Косонсой, Чортоқ, Чуст, Наманган, Янгиқўрғон туманларида;
- Фарғона вилояти — Сўх, Шоҳимардон, Фарғона, Бешариқ туманларида сел-сув тошқин ҳодисалари юзага келиши мумкин.
Марказ тоғолди ва тоғли ҳудудларда истиқомат қилувчи фуқароларни, дам олувчиларни ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришларини сўраймиз, дейилади хабарда.
