Америка шарафини ҳимоя қилаётган Гулруҳбегимдан кутилмаган қарор
У Ўзбекистонга қарши дона сурмайдиган бўлди.
Ҳиндистоннинг Ченнай шаҳрида Бутунжаҳон шахмат Олимпиадаси давом этмоқда. Бугун Олимпиаданинг 2-тур партиялари ўйналади. Аёллар ўртасидаги баҳсларда Ўзбекистон- АҚШ учрашуви бўлиб ўтади. Ҳар икки терма жамоа ҳам кеча 1-турда бир хил 4:0 ҳисобидаги ғалабани тантана қилган. Америкаликлар сафида ҳамюртимиз Гулруҳбегим Тоҳиржонова ҳам ғалаба нашидасини сурган эди.
Бугунги қарама-қаршиликда Тоҳиржонованинг ўзбекистонликларга қарши дона суриши кутилганди. Бироқ берилган жуфтликларда халқаро гроссмейстеримиз Гулруҳбегимнинг исм-шарифи киритилмаган.
АҚШ - Ўзбекистон (жуфтликлар)
Ирина Круш (2430) - Нилуфар Ёқуббоева (2299)
Карисса Йип (2416) - Умида Омонова (2195)
Анна Затонских (2383) - Афруза Ҳамдамова (1969)
Татев Абрахамян (2291) - Маржона Маликова (1756)
Маълумот учун, АҚШ терма жамоаси жаҳон таснифида 7, Ўзбекистон эса 46-поғонадан жой олган.
