“Барселона” яна трансфер устида ишламоқда
Клуб “Челси” футболчисини сотиб олмоқчи.
Каталониянинг “Барселона” клуби Лондоннинг “Челси” клубининг испаниялик ҳимоячиси Маркос Алонсо вариантини кўриб чиқмоқда.
Бу ҳақда “Sport.es” нашри хабар берди. Манбага кўра, Каталония клуби яна бир испаниялик ҳимоячини сотиб олишни кўриб чиқмоқда. Клуб Германиянинг “РБ Лейпциг” клуби ҳимоячиси Анжелинога ҳам қизиқиш билдирмоқда. “Барселона” агар Алонсонинг трансфери бўйича келишувга эриша олмаса, бу футболчини қўлга киритишга ҳаракат қилади.
Анжелино ўтган мавсумда 45 та ўйинда майдонга тушиб, 3 марта рақиб дарвозасини ишғол қилган ва 13 марта шерикларига голли узатма берган.
Маркос Алонсо эса 2016 йилдан бери “Челси”да ўйнаб келмоқда. Ўшандан бери ҳимоячи 212 та ўйинда майдонга тушиб, 29 та гол урди ва 23 та голли узатмани амалга оширди.
