2022 йилнинг энг яхши смартфон ишлаб чиқарувчилари қайсилар?
Chn-Brand тадқиқот компанияси бу бўйича маълумотларни эълон қилди.
Мижозларнинг содиқлиги, уларнинг компания маҳсулотларидан умумий қониқиши параметрлари асосида ўтеазилган тадқиқотда дастлабки уч ўринни жами 86, 85 ва 83 балл билан Apple, Huawei ва Xiaomi эгаллаган.
Айнан шу брендлар ўтган йили ҳам кучли учликка кирган. Хусусан, Apple Huawei'ни фақат фойдаланувчиларнинг содиқлиги бўйича ортда қолдирди.
Хитойнинг Oppo бренди 2021 йили Honor томонидан банд этилган тўртинчи ўринни эгаллаган, Honor’нинг ўзи эса жорий йилда бешинчи ўринга тушиб кетган. Рейтингга биринчи марта кирган iQOO ва Redmi брендлари дарҳол мос равишда олтинчи ва еттинчи ўринларни эгаллаган. Vivo ва Samsung мос равишда саккизинчи ва тўққизинчи ўринларни банд қилиб, бир нечта позицияларни йўқотган.
