0
Тошкентдан Андижонга учган самолётда носозлик кузатилди
Шундан сўнг парвоз йўналиши ўзгартирилган.
Бугун, 12-август куни Тошкент – Андижон – Тошкент йўналишидаги HY-091/092 рейслари Боеинг 757 ҳаво кемасининг техник носозлиги сабабли белгиланган йўналиш бўйича парвозни амалга ошира олмади. “Uzbekistan Airways” АЖ Ахборот хизмати ҳолат бўйича расмий хабар эълон қилди.
Маълум қилинишича, Андижон халқаро аэропорти Airbus A321neo (LR) ҳаво кемасини қабул қилиш имконияти йўқлиги сабабли парвоз Тошкент – Наманган – Тошкент йўналишига ўзгартирилган.
“Келтирилган ноқулайликлар учун йўловчилар ва уларни кутиб олувчилардан узр сўраймиз”, — дейилади хабарда.
