Пике ва Шакира можaрoси давом этади

 

Жерар Пике ва Шакира ажрашганидан кейин фарзандларининг васийлик масаласини ҳал қилишда давом этишмоқда. Хонанда Барселонадан Маямига кўчиб ўтди. У болалари билан бирга яшашни хоҳлайди. “Marca” нашрининг хабарига кўра, Пике болаларнинг Америкага кўчиб ўтишига рози. Гарчи у илгари бунга қарши бўлган бўлса ҳам.

 

Пике Шакирага амалга ошириш мумкин бўлмаган иккита шартни қўйди. “Барселона” ҳимоячиси Шакирадан фарзандларини кўриш учун Маямига йилига бешта биринчи тоифали рейс билан таъминлашни сўради. Бундан ташқари, Жерар қўшиқчидан қарзларини қоплаш учун 400 минг евро пул олмоқчи. Пике Шакира билан баҳслашиш фойдасиз эканлигини англаган. Бу бир неча сабабларга кўра содир бўлди.

 

Пике ва Шакира 12 йиллик танишувдан кейин июнь ойида ажралишди. Сабаби “Барса” футболчисининг хиёнати. Эр-хотиннинг икки фарзанди бор - Милан (тўққиз ёш) ва Саша (олти ёш). Шубҳасиз, Жерар уларга нисбатан илиқ туйғуларга эга.

 

Оммавий ахборот воситаларининг хабарларига кўра, ҳақиқатан ҳам Пике ишларни судда ҳал қилишга қарор қилган. Июль ойининг охирида унинг учун маълум бир умид пайдо бўлди. Испания прокуратураси Шакира солиқ фирибгарлиги бўйича келишувни рад этгани учун унга саккиз йиллик қамоқ жазосини сўради. Бироқ, бу иш ҳали тугамаган ва умуман олганда, Пикенинг болаларнинг васийлигини қўлга киритиш имкониятларига таъсир қилмайди.

 

Жерарднинг ўзи Саудия Арабистонида Испания Суперкубоги ўтказилишини тарғиб қилиш учун фойда келтириши мумкин бўлган коррупция можаросида иштирок этмоқда.

 

Жамоатчилик Шакирани оммавий равишда қўллаб-қувватлади. АҚШдаги “Барселона” йиғинида бир воқеа содир бўлди. Жерар Лас-Вегасда “Реал” билан ўртоқлик ўйини (1:0) чоғида ҳимоячи 62-дақиқада захирадан майдонга тушди. Стадионга ташриф буюрган мухлислар эса унга нисбатан ҳуштакбозлик қилишди.

 

Бўлиб ўтган воқеанинг сабаби Лас-Вегаснинг “Реал Мадрид”ни оммавий равишда қўллаб-қувватлаётганида эмас. Шунчаки томошабинлар Жерар ва Шакиранинг ажралишига ўз муносабатини билдиришди. Мухлислар бир неча бор хонандани қўллаб-қувватлаб ҳайқиришди. Вақти-вақти билан унинг исми баланд овозда айтилди.

 

Шаҳар аҳолисининг катта қисми Шакиранинг тарафини олди. Эҳтимол, худди шу фикр судда ҳакамлар ҳайъати орасида ҳам бўлар.

 

Шуни ҳам ёдда тутиш керакки, тизим кўпинча онанинг томонини олади. Бундан ташқари, Шакира Пикега қараганда бойроқ ва муваффақиятли юристларни сотиб олишга қодир. Футболчи бу омилларни албатта ёдда тутган. Унинг ишда ғалаба қозониш эҳтимоли нолга яқин.

 

Пике сўнгги бир неча ой давомида бир талаба билан яширинча учрашиб юрган. Бу ҳақда “The Sun” нашри хабар берди. 23 ёшли Клара Чиа Марти жамоатчилик билан алоқалар билан шуғулланади. Жерар Клара билан унинг продюсерлик компаниясидаги тадбирларда ишлаганларида танишган.

 

“Улар бир неча ойдан бери учрашишади. Клара талаба, у ҳам Пикенинг офисида ишлайди, тадбирлар ташкил қилади. Улар муносабатларини яширишди. Футболчига бу ишни сир сақлашга ёрдам беришган”, — дейилади манбада.

 

Оммавий ахборот воситаларида у ҳақидаги маълумотларнинг пайдо бўлиши қўшиқчининг адвокатлари учун ажойиб қўшимча далилдир.

 

Катта эҳтимол билан, Шакира ва Пике болаларни васийлик туфайли судга умуман мурожаат қилишмайди ва ҳар икки томон учун мақбул шартлар асосида музокара олиб боришга ҳаракат қилишади. Болалар онаси билан АҚШда яшайди, аммо Жерарга уларни тез-тез кўришга рухсат берилади.

Жамшидбек Амиров