“ПСЖ” Месси билан шартномани узайтирмоқчи
Клуб раҳбарияти унинг ўйинидан мамнун.
“ПСЖ” аргентиналик ҳужумчи Лионел Месси билан шартномани узайтирмоқчи. Бу ҳақда “AS L'Equipe” нашри хабар берди.
Манбага кўра, “ПСЖ” Месси билан шартномани бир йилга узайтириш бўйича музокараларни тезлаштирмоқчи. Қайд этилишича, аргентиналик футболчи клубнинг янги бош мураббийи Кристоф Галтиернинг ўйин схемасида ўзини жуда қулай ҳис қилмоқда.
Клуб ҳам Мессининг ўйинидан мамнун ва тез орада аргентиналик футболчи билан шартномани узайтириш бўйича музокараларни бошлайди.
Месси 2021 йилдан бери “ПСЖ”да ўйнаб келмоқда. Аргентиналик ҳужумчининг клуб билан шартномаси 2023 йилгача мўлжалланган, бироқ у бир мавсумга узайтириш имкониятини ўз ичига олади. Янги мавсумда Месси “ПСЖ” сафида барча турнирлар доирасидаги учта ўйинда қатнашиб, учта гол урди ва битта голли узатмани амалга оширди.
