“Ювентус” Депай трансферини тезлаштирмоқчи
Футболчининг вакиллари “Барса” билан шартномани бекор қилмоқда.
“Барселона” ҳужумчиси Мемфис Депай “Ювентус”га ўтишга яна бир қадам яқинлашди.
Машҳур инсайдер Фабритсио Романонинг сўзларига кўра, “кекса синьора” футболчини текинга сотиб олишга яқин. Қайд этилишича, тез орада футболчининг агентларига келишувни текшириш учун ҳужжатлар юборилади.
Қўшимча қилинишича, голландиялик футболчининг вакиллари шартномани бекор қилиш масаласини муҳокама қилиш учун каталонияликлар билан яна боғланган.
Эслатиб ўтамиз, голландиялик футболчи 2021 йилнинг ёзида “Барселона” футболчисига айланганди ва жамоага эркин агент сифатида қўшилди. Ўшандан бери 37 учрашувда Мемфис 13 та гол урди ва 2 та голли узатмани амалга оширди.
