Жаҳон рекордчиси Коньяда ҳам тенгсиз
Туркияда Ислом бирдамлиги ўйинлари давом этмоқда.
Шу кунларда Туркиянинг Конья шаҳрида V Ислом бирдамлик ўйинлари бўлиб ўтмоқда. -109кг вазн тоифасида юртимиз шарафини ҳимоя қилаётган оғир атлетикачи Руслан Нуриддинов рекорд ўрнатди.
Дастлаб даст кўтариш машқини 177 билан бошлаган спортчи олтин медални нақд қилди. Кейинги уринишида 182 кг оғирликни бўйсундирган бўлса, 3-уринишида 187 кг билан Ислом бирдамлик ўйинлари рекордини ўрнатди.
Силтаб кўтариш машқида ҳам Руслан рақибларига ҳеч қандай имконият қолдирмади. Икки уринишидан унумли фойдаллангандан сўнг учинчи уринишдан воз кечди ва иккинчи олтин медалини қўлга киритди.
Иккикураш натижаси (417кг) билан юртдошимиз Ислом бирдамлиги ўйинлари рекордини ўрнатди ва терма жамоамиз жамғармасига навбатдаги муҳим олтин медалларни қўшиб қўйди.
