Oбамеянг яна Лондонга қайтиши мумкин
“Челси” футболчининг вакиллари билан музокараларни бошлади.
Ушбу ҳафтада Лондоннинг “Челси” клуби “Барселона” ҳужумчиси Пер-Эмерик Обамеянг атрофидагилари билан навбатдаги музокараларни ўтказади. Бу ҳақда таниқли инсайдер Фабрицио Романо ўзининг twitter саҳифасида хабар берди.
“Челси” эгаси Тодд Боэли футболчининг ўзи билан шахсий келишув шартлари бўйича музокаралар олиб боришга ҳаракат қилмоқчи. Шундан сўнг, “аристократлар” “Барса”га янги таклиф билан чиқишга тайёр бўлади.
Аввалроқ, каталонияликлар “Челси”нинг 14 миллион евролик таклифини рад этгани хабар қилинганди. Габонлик футболчининг ўзи ҳам ҳозирги жамоасини тарк этиш ниятида эмас. Ҳужумчининг каталонияликлар билан шартномаси 2025 йилнинг 30 июнига қадар амал қилади. Ўтган мавсумда Обамеянг “Барселона” сафида барча турнирларда 24 та ўйинда майдонга тушиб, 13 та гол урган.
