“Спортинг” фаоллашди
Клуб Роналду трансфери устида жиддий иш бошлади.
Португалия чемпионатининг 2021/2022 йилги мавсуми кумуш медали совриндори “Спортинг” клуби “Манчестер Юнайтед” футболчиси Криштиану Роналдунинг трансфери борасидаги ишларни фаоллаштирди. Бу ҳақда “Foot Мercato” нашри хабар берди.
Нашрнинг ёзишича, Лиссабон клуби спорт директори Угу Виана Роналду ва унинг атрофидагилар билан алоқада бўлиб, футболчини “Спортинг”да фаолиятини давом эттиришга ундамоқда. Бу клубнинг Чемпионлар лигасидаги иштирок этиши асосий омил ҳисобланади.
Эслатиб ўтамиз, аввалроқ Роналдунинг агенти Хорхе Мендес ёзда “Спортинг” билан 37 ёшли Роналдунинг профессионал фаолиятини бошлаган клубига қайтиши борасида жиддий музокаралар олиб боргани ҳақида хабар берилганди.
