0
Урганчдан Миланга илк мунтазам рейс амалга оширилди
Авиакомпания йўналишдаги парвоз вақтларини маълум қилди.
Урганч — Милан — Тошкент йўналиши бўйича тўғридан-тўғри рейслар йўлга қўйилди, дея хабар бермоқда “Uzbekistan Airports”.
Бугун, 19 август куни маҳаллий вақт билан соат 15:48 да самолёт Урганч халқаро аеропортидан Миланга учган. 227 нафар йўловчиси бўлган “Ўзбекистон ҳаво йўллари” миллий авиакомпаниясининг Boeing-767 самолёти Milan-Malpensa аеропортига етиб борган.
“Урганчдан Миланга мунтазам рейслар жума кунлари амалга оширилади. Шанба кунлари эса Миландан Тошкентга қайтиш рейслари режалаштирилган”, — дейилади хабарда.
Эслатиб ўтамиз, Милан ва Тошкент ўртасидаги авиақатновлар илк бор 2007 йилда бошланган ва 2019 йига келиб пандемия сабабли тўхтатилганди.
