АПЛда маошларнинг ўсиши
Премьер-лигада энг кўп маош олувчи футболчи Криштиану Роналду ҳисобланади.
Футбол дунёда энг тез ривожланаётган спорт турларидан бири бўлиб, у сайёрадаги трансляция ҳуқуқларининг 40 фоизини қамраб олади. Бундан ташқари бу кўпчилик ривожланган мамлакатлар иқтисодиётининг муҳим қисми ҳисобланади. Жонли эфирга бўлган талабнинг ўсиши футболни ўзига хос бизнес-магнатга айлантирди. Глобаллашув, оммавий ахборот воситаларининг ёритилиши ва технология уни дунёнинг ҳар бир бурчагига тарқатиш имкониятини берди. Футболчилар нафақат машҳурлик, балки даромад бўйича ҳам кино, мусиқа ва бошқа соҳалар вакилларига тенглашиб олди. Ҳатто улардан ошиб кетишди. Бугунги кунда ўтган асрнинг бошида Англияда бир футболчининг ҳафталик маоши 4 фунт стерлингдан ошмаганини тасаввур қилиш жуда қийин.
Роналду АПЛда энг кўп маош олади
1992 йилда Англия Премьер-лигаси ташкил этилган вақтда “Манчестер Юнайтед” ва “Ливерпуль” футболчилари учун 8 миллион фунт стерлингдан маош сарфларди.
Ўттиз йил ўтгач, телевидение шартномалари ва хорижий сармоя туфайли иш ҳақи фондлари кескин ошди. Айни дамда Англиянинг энг кўп тўлов қобилиятига эга клуби амалдаги чемпион “Манчестер Сити” ҳисобланади. Гвардиола жамоаси футболчиларининг маоши йилига 355 миллион фунт стерлингни ташкил қилади. Ундан кейин “Челси” (343 миллион фунт), учинчи ўринда “Манчестер Юнайтед” (323 миллион фунт), “Ливерпул” 314 миллион фунт, “Арсенал” 244 миллион фунт ва “Тоттенҳем” - 205 миллион фунт стерлинг сарфлайди. “Манчестер Юнайтед” ҳужумчиси Криштиану Роналду - ҳафтасига 515 минг фунт маош олади. Аммо бу 1992 йилда “Ливерпул” вингери Жон Барнс томонидан юзага келган сенсация билан солиштирганда жуда оддий кўринади.
Премьер-лига Топ-5 чемпионатлари ичида чет эллик ўйинчилар учун энг фоиз ставкасига эга ҳисобланади. Аммо резидентлар учун ставка анча юқори - 45%. Буни Европанинг бошқа етакчи лигалари билан солиштириш мумкин. Францияда бу кўрсаткич 50% (хорижий футболчилар учун 30%), Италияда - 43% (25%), Испания ва Германияда - 47% (мос равишда 24% ва 25%).
Маълумотларнинг шаффофлиги агентларга клуб раҳбариятига ҳар қандай талаб қўйиш имконини беради. Чунки улар жамоалар телевидение шартномаларидан қанча даромад олишларини билишади, шунингдек чипталар сотишдан тушадиган даромадлар ҳақида тасаввурга эга ва ҳоказо.
Шунга қарамай, янги битимлар тузаётганда, аксарият клублар турнир кўрсаткичлари ва ўйинчининг жамоага қўшган ҳиссасини ҳисобга олишади.
Муҳаммад Салоҳ маошини 350 минг фунт стерлингга етказиш учун сўнгги тўрт йил ичида Премьер-лига, Чемпионлар лигаси, клублар ўртасидаги жаҳон чемпионати ва Англия кубогини қўлга киритди. “Манчестер Сити” эса ўтган йилнинг ўзида Кевин Де Брюйне билан янги шартнома имзолаб футболчининг маошини 400 минг фунт стерлингга оширган.
2003 йил июнь ойида “Челси” Роман Абрамович томонидан сотиб олинганидан сўнг, “Челси” трансфер нархи ва ўйинчиларнинг маошларини оширди. Россиялик миллиардер кейинги 18 йил ичида Демен Даффнинг 17 миллион фунт стерлинглик шартномасидан Ромелу Лукакунинг 98 миллион фунт стерлинглик келишувигача бўлган клубнинг трансфер рекордини янгилади. Бироқ бу йилнинг ўзида лондонликлар футболчиларга 300 минг фунт стерлингдан ортиқ маош тўлашга рухсат беришди. Айни дамда “Сити”дан сотиб олинган Раҳим Стерлинг 325 минг фунт стерлинг маош олмоқда.
“Тоттенҳем” етакчиси ва Англия терма жамоаси сардори Ҳарри Кейн 200 минг фунт даромад қилмоқда. Иш ҳақининг ўсиш тенденцияси йилдан-йилга барқарор бўлиб, узоқ вақт давом этиши мумкин.
