Антуан Гризман “Барса”га қайтадими?
Футболчи айни дамда “Атлетико”да ижара асосида ўйнамоқда.
“Атлетико Мадрид” ҳужумчиси Антуан Гризманн ўтган мавсумда муваффақиятсизликка учради. У Ла Лиганинг 26 ўйинида бор-йўғи 3 та гол урди ва охирги ўйинини 2021 йилнинг ноябрида ўтказди. Франциялик футболчи ушбу чемпионат бошидаёқ узоқ давом этган муваффақиятсиз церийасини якунлади. 15 август куни ҳужумчи “Хетафе” дарвозасини ишғол қилди.
Собиқ юлдуз мақомини тиклаш йўлида биринчи қадамни ташлади. Аммо Антуаннинг бу мавсумдаги тақдирига ҳавас қилиб бўлмайди. Гризманнинг асосий муаммоси – “Атлетико Мадрид” уни “Барселона”дан ижарага олган шартлардир.
"Атлетико” ёзда Гризманни “Барселона”га қайтармагани ажабланарли бўлиб туйилди. Агар ижара яна бир мавсумга узайтирилса, келажакда клуб футболчини сотиб олиш учун “Барса”га 40 миллион евро тўлаши керак бўлади.
Ўтган мавсум иккинчи ярмида Антуаннинг ишлари умуман юришмади. У фақат учинчи дивизион клуби “Раё Мажадахонда”га, Испания Кубоги доирасида “Хетафе”га ҳамда шу мавсумнинг очилиш ўйинида тўп киритишга муваффақ бўлди. Ҳозирда “Атлетико” Гризманни “Барса”га қайтаришни хоҳламаяпти.
“Mundo Deportivo” нашри футболчининг ижара шартномаси тафсилотларига ойдинлик киритди. Агар ҳужумчи Мадрид клубининг 50 % ўйинларида иштирок этса, жорий мавсум охирида “Атлетико” каталонияликларга 40 миллион евро тўлаши керак бўлади.
Табиийки, пойтахт клуби Гризман учун бунча кўп пул тўламоқчи эмас. Сабаби бу футболчининг ўйини билан боғлиқ. Гризман март ойида 32 ёшга тўлади. Бу эса унинг фаолияти пастга қараб кетишини кўрсатади. Ла Лиганинг биринчи туридаги гол ҳозирча ҳеч нарсани англатмайди.
Антуан 2022 йилда олти ойдан ортиқ давом этган даҳшатли голсиз церийасини унутиши учун ҳали кўп йўлни босиб ўтиши керак.
“Атлетико Мадрид”нинг бошқа ҳужумчилари Алваро Мората, Матей Куня, Жоау Феликс ва Анхел Корреа бир вақтнинг ўзида тўсатдан жароҳат олишмаса, ҳужумчи ўйинининг ўсиш суратига ишониш қийин.
“Атлетико” бошқаларнинг эҳтиёжларидан қатъи назар, ўз манфаатлари йўлида ҳаракат қилади. Клубнинг молиявий аҳволи унчалик яхши эмас. Ёзда “Атлетико” трансфер бозорида катта юришлар қилмади.
Жамоа Криштиану Роналдуни қўлга кирита олмади, гарчи Диего Симеоне, португалиялик футболчи билан ишлашни жуда хоҳлаган.
Клуб янги ўйинчиларни сотиб олиш ҳақида эмас, балки мавжуд футболчиларнинг маошларини қисқартириш ҳақида ўйламоқда. “Goal.com” нашрининг хабарига кўра, раҳбарият Гризманн, Томас Лемар, Ян Облак, Коке ва Жоау Феликс билан маошларни ихтиёрий равишда қисқартириш бўйича музокаралар олиб бормоқда. Ҳали масала ҳал этилмаган, аммо Мадрид жамоасида молиявий ҳолат билан боғлиқ муаммолар мавжуд.
“Барса” “Атлетико” атайлаб Гризманнинг ўйинларининг сонини оширмаётганига ишонмоқда. Бу ҳолат Антуан кейинги ёзда ҳеч қандай сабабларсиз Каталонияга қайтишидан далолат беради. Ёки “Атлетико” 40 миллион евродан камроқ пул эвазига ҳужумчини сотиб олиш бўйича музокаралар олиб бориши мумкин. Франциялик футболчининг нархи ўтган мавсумда Трансфермаркт порталида 60 миллион евродан 30 миллион еврога тушиб кетди.
