Ўн йилликнинг энг катта жангига тайёрмисиз?

 

Александр Усик Энтони Жошуа устидан қозонган иккинчи ғалабасидан сўнг, энди украиналик Тайсон Фюри билан тўқнаш келиши мумкин.

 

Усик барча оғир вазн тоифасидаги чемпионлик унвонига эга. Бироқ у “The Gypsy King”га тегишли WBC камарини қўлга киритмаган. Оғир вазнда мутлақ жаҳон чемпиони унвони учун кураш мухлисларни жуда ҳам қизиқтириши аниқ.

 

Украиналик бунга қаршилик кўрсатгани йўқ. У ҳам кўпдан бери Фюрини мағлуб этмоқчи эканлигини айтиб келади. Тайсонни эса жангга ақл бовар қилмайдиган пул билан рози қилиш мумкин. Расмий равишда, лўлилар қироли ўз фаолиятини якунлади. Аммо ҳеч ким унинг “кетиши”ни жиддий қабул қилмаяпти. Сабаби Фюри жуда кўп марта фаолиятини тугатиши ҳақида мухлисларга маълум қилиб келади.

 

Бундан ташқари, Тайсон украиналик боксчининг Жошуа устидан қозонилган ғалабасига тезда жавоб қайтарди. Британия матбуотига кўра, WBC чемпиони Усик билан 150 миллион евро эвазига жанг қилишга тайёрлигини билдирган. Бу эса мухлисларнинг танқидига сабаб бўлди.

 

Оғир вазн рейтингги юқори ва қизиқарли вазн тоифасидир. Кўпчилик мухлислар мутлақ чемпионлик унвони учун дуэль уюштирилишини хоҳлашади. Бундаги ғалаба боксчига жуда ҳам обрў келтиради. Фюри талаб қилаётган суммани араб шайхлари қабул қилишлари мумкин. Бироқ, лўлилар қиролининг иштаҳаси тез суръатларда ўсиб бормоқда.

 

“Дунёдаги энг қизиқарли жанг учун жуда кўп пул тўланиши керак. Мен чет эллик спортчи билан тўқнаш келаётганимни ҳисобга олиб, мазкур баҳс учун ярим миллиард тўлашларини хоҳлайман. Агар Жошуа билан урушганимда, текинга жанг қилган бўлардим”, — деган Фюри.

 

Битта жанг учун 500 миллион?! Лўлилар қироли бу ерда жанг қилишни хоҳламаётганини ва таклиф қилаётган пулни ҳеч ким тўлолмаслигини ҳисобга олиб шундай йўл тутаётган бўлиши мумкин.

 

Фюри катта маблағ талаб қилиш ҳуқуқига эга. Аммо ярим миллиард суммани тўлаш имконияти йўқдек туйилмоқда.

 

Эслатиб ўтамиз, Флойд Мейвезер Менни Пакьяо билан жанг учун тарихдаги энг катта гонорар - тахминан 150-180 миллион доллар пул олган. Эҳтимол, Фюри ушбу рақамларнинг янгиланишини хоҳлаётгандир. Бироқ, Фюри ҳомийлар билан музокарага киришган, бу эса Усик билан чемпионлик жангги бўлиш эҳтимолини оширади. Агар келишувлар ижобий ҳал этилса, биз келгуси йили ўн йилликнинг энг катта жангларидан бирини кўришимиз мумкин.