Супер жамоалардан иборат супер гуруҳ — Томас Мюллер
Футболчи Чемпионлар лигасининг қуръа натижалари ҳақида гапирди.
“Бавария” ҳужумчиси Томас Мюллер 2022/2023 йилги Чемпионлар лигаси гуруҳ босқичига қуръа ташлаш маросими натижаларини қисқача кўриб чиқди.
“Чемпионлар лигасида “Барселона” ва Роберт Левандовски билан тўқнаш келамиз. Қандай ажойиб. Супер жамоалардан иборат супергуруҳ. Ишончим комилки, футбол мухлисларини Чемпионлар лигасининг ажойиб ўйинлари кутмоқда. Шу билан бирга, бир нарса аниқ: биз Чемпионлар лигасининг 1/8 финалига чиқиш учун кўп меҳнат қилишимиз керак бўлади”, — дея Мюллернинг сўзларидан “Бавария” расмий сайти иқтибос келтирди.
Эслатиб ўтамиз, 25 август куни Истанбулда Чемпионлар лигаси гуруҳ босқичига қуръа ташлаш маросими бўлиб ўтди. “С” гуруҳида “Бавария” “Барселона”, Италиянинг “Интер” ва Чехиянинг “Виктория” жамоалари билан тўқнаш келади. Чемпионлар лигаси гуруҳ босқичининг 1-тур учрашувлари 6 ва 7 cентябрь кунлари бўлиб ўтади.
