Франциядаги жазирама иссиқдан уйларнинг деворлари ёрила бошлади
Мамлакатда узоқ давом этаётган қурғоқчилик туфайли лой тупроққа қурилган уйларнинг деворлари ёрилиб кетмоқда.
Бу кичик ва эски қишлоқ биноларига тааллуқли, дея хабар берди Euronews.com.
Маҳаллий аҳолининг айтишича, деворлардаги ёриқлар томнинг қулашига олиб келиши мумкин. Шунингдек, иссиқ ҳаво туфайли француз узумлари муддатидан бир ой олдин пишиб етди. Одатда сентябрь ойининг ўрталарида йиғиб олинади. Аммо энди ҳосил август ойида якунланди.
Иссиқликдан яйловларда ўтлар қуриб қолган, моллар ейдиган нарсаси йўқ. Кўпгина фермерлар ҳайвонларни молхонада ушлашга ва қиш учун озиқ-овқат захираларини ишлатишга мажбур бўлди.
Қишлоқ хўжалиги соҳаси вакиллари сут бу йил камида 20% камроқ бўлади, деб огоҳлантирмоқда.
Маълумот учун: Еврокомиссиянинг Қўшма тадқиқот маркази ҳисобот эълон қилганди. Унда олимлар огоҳлантиришича: Европа қитъасининг учдан икки қисми сўнгги беш асрдаги энг даҳшатли қурғоқчиликка дуч келмоқда. Қитъанинг 17 фоизи тўлиқ қуриб кетиш арафасида.
