“ПСЖ” Кантени сотиб олмоқчи
Футболчининг “Челси” билан шартномаси бир йилдан кейин тугайди.
“ПСЖ” “Челси” ярим ҳимоячиси НъГоло Канте атрофидаги вазиятни кузатмоқда. “The Times” нашрининг хабарига кўра, лондонликлар бош мураббийи Томас Тухел футболчининг келажаги ҳақида аниқ қарорга келмаган. Шу сабабли Париж клуби футболчига қизиқиш билдирган.
Кантенинг “Челси” билан амалдаги шартномаси 2023 йилнинг июнида тугайди. Футболчи январь ойидан бошлаб янги клуб билан музокаралар олиб бориши мумкин. 31 ёшли Канте 2016 йилда буён “Челси”га “Лестер Сити”дан келиб қўшилганди.
Трансфермаркт портали хабарига кўра, франциялик ярим ҳимоячининг ҳозирги трансфер нархи 40 миллион еврони ташкил қилади.
