Роналду “Наполи”га ўтмайди
Бу ҳақда у билан дўстона муносабатда бўлган журналист маълум қилди.
“Манчестер Юнайтед” ҳужумчиси Криштиану Роналду билан дўстона муносабатда бўлган журналист Эду Агирре унинг “Наполи”га ўтиши ҳақидаги миш-мишлардан сўнг португалияликнинг келажаги ҳақида гапирди.
“Роналду “Наполи”га ўтмайди”,— деди Агирре ўз постида.
Эслатиб ўтамиз, жорий трансфер ойнаси вақтида Роналду Европанинг бир қатор клублари билан боғланган эди. Таъкидланишича, Чемпионлар лигасида иштирок этмаслиги сабаб Криштиану жамоани тарк этмоқчи. Сўнгги маълумотларга кўра, португалиялик футболчи Луциано Спалетти қўл остидаги “Наполи” клубига ўтиши мумкин.
Роналдунинг “Манчестер Юнайтед” билан шартномаси 2023 йилнинг июнигача амал қилади. Трансфермаркт портали футболчини 30 миллион еврога баҳоламоқда. Футболчи АПЛнинг жорий мавсумида клуб сафида 4 та ўйинда майдонга тушди.
