Эрлинг Ҳоланд “Сити” билан қандай рекордларни янгилади?
У мавсум бошидан бери 10 та гол урди.
Айни дамда Европада кучли бешлик чемпионатлари қизғин паллага кирмоқда. Жамоалар ўзларининг дастлабки очколарини тўплашга киришиб кетишган. Норвегиялик Эрлинг Ҳоланднинг чемпионатдаги ўйини кўпчилик ишқибозларнинг диққат марказида тургани билан аҳамиятли.
Ҳозиргача ҳужумчи бешта ўйинда рақиблар дарвозасига тўққизта гол урди. Мана шу вақт ичида эса бир нечта рекордларни янгилашга ҳам муваффақ бўлди.
Англия Премьер-лигасининг дастлабки турларида фақатгина Серхио Агуеро “Сити” сафида бешта турда саккизта гол уришга эришган. Ҳоланд чемпионат давомида кетма-кет иккита хет-трик қайд этиб, юқори даражага кўтарилиб олди.
Премьер-лигада эса олти нафар футболчи буни уддалашган. Булар Терри Анри, Уейн Руни, Фердинанд, Диде Дрогба, Ян Райт ва Ҳаррй Кейн.
2022 йилда фақатгина Роналду АПЛда иккита хет-трик қайд этган. Булар ўтган мавсумда “Норвич” ва “Тоттенҳем”га қарши ўйинларда урилган голлардир.
Шунингдек, ҳозирда Эрлинг Премьер-лигадаги аксарият клубларга қараганда сермаҳсулроқ ўйин кўрсатмоқда. Сабаби беш турда мусобақанинг 15 та жамоаси ҳужумчидан камроқ гол урган.
Эрлинг тўпга 105 марта (ҳар бир голга ўртача 12 марта) тегиб, бешта турда тўққизта гол урди. “Опта” нашрининг хабарига кўра, 2003/2004 йилги мавсумдан бери ҳеч ким бундай натижа кўрсатмаган.
Бироқ, у Суареснинг бир ой ичида гол уриш бўйича рекордини янгилай олмади. Эрлингнинг барча тўққизта голи 2022 йил август ойига тўғри келди. Премьер-лигада бир ой ичида фақат Луис Суарес кўпроқ гол урди: у 2013 йилнинг декабрь ойида 10 марта рақиблар дарвозасини ишғол этган.
