UFC матбуот анжуманида 100 га яқин одам муштлашиб кетди
Шу сабабли тадбир бекор қилинди.
Жанг UFC жангчилари Ҳамзат Чимаев, Нейт Диаз ҳамда Кевин Ҳоланд ўртасида келиб чиққани айтилмоқда. Шундан кейин матбуот анжумани бекор қилинган. Бунақаси эса тарихда биринчи бор рўй бериши. Бу ҳақда промоушн президенти Дена Уайт маълум қилди.
Маълумотга кўра, саҳна ортида жангчилар ўртасида муштлашув рўй берган. Жанжални Ҳамзат Чимаев бошлаган. У қандайдир эски тушунмовчиликлар учун бошқа жанг иштирокчиси Кевин Ҳоландга ташланиб қолган ва унга оёғи билан зарба берган. Вазиятга Ҳамзатнинг бўлажак рақиби Нейт Диазнинг аралашиши жанжални юзага келтирган.
Ҳамзат воқеадан кейин муносабат билдирди: “Айтгандим биз билан ўйнашмаларинг деб, Кевин ҳам, Нейт ҳам ўзига тегишлисини қабул қилиб олишди”, — деган Чимаев.
Маълум бўлишича, жанжал жуда катталашиб кетиб, унда 100 га яқин одам иштирок этган.
UFC ҳозирча жараён тафсилоти ва видеоларини ошкор қилмаяпти. Сабаби, бу Невада атлетик комиссияси томонидан бошқача талқин қилиниб турнир бекор қилинишига олиб келиши мумкин.
