0
Франкфурт–Тошкент йўналишида самолёт парвози бекор қилинди
Юзага келган ҳолат бўйича авиакомпания изоҳ берди.
Бугун, 15 сентябрь куни режалаштирилган HY-232 Франкфурт–Тошкент йўналиши бўйича авиақатнов ҳаво кемасида вужудга келган техник носозлик туфайли бекор қилинди. Бу ҳақда “Uzbekistan Airways” АЖ Ахборот хизмати маълум қилди.
Қайд этилишича, ҳозирда барча йўловчилар Франкфурт шаҳридаги меҳмонхонага жойлаштирилган. Ушбу ҳолат юзасидан қўшимча маълумот тақдим этилади.
“Келтирилган ноқулайликлар учун йўловчилар ва уларни кутиб олувчилардан узр сўраймиз, шунингдек, юзага келган вазиятни тўғри тушунишингизни сўраб қоламиз”, – дейилади хабарда.
