Ян Облак: “Атлетико” кечаги ўйинда мағлубиятга лойиқ эмасди”
Футболчи “Реал”га қарши баҳс ҳақида гапирди.
“Атлетико” дарвозабони Ян Облак “Реал”га қарши Испания чемпионати 6-тур учрашувидан сўнг ўз фикрлари билан ўртоқлашди. Бу ўйинда мадридликлар 2:1 ҳисобида ғалаба қозонди.
“Биз дербида мағлуб бўлдик, бу жуда муҳим ўйин. Лекин, улар унчалик ёмон ўйнамади. Биз мағлубиятга лойиқ эмасдик. Рақиб ўз имкониятларидан унумли фойдаланди, биз эса фойдалана олмадик. 90 дақиқа ҳужум қилиш қийин, чунки рақибда тезкор футболчилар бор. Очиқ ўйнаса, янада кўпроқ гол уриши мумкин. Мен бу мағлубиятдан хафа бўлдим”, — дея “Марcа Cloud” нашри футболчининг сўзларидан иқтибос келтирди.
Эслатиб ўтамиз, олти турдан кейин “Реал Мадрид” 18 очко билан Испания чемпионати турнир жадвалида пешқадамлик қилмоқда. "Барселона" 16 очко билан иккинчи ўринда бормоқда. “Бетис” 15 очко билан кучли учликни якунлаб турибди.
