Роналду ўйин вақтида бурнини синдириб олди
Бу дарвозабон билан тўқнашув натижасида юз берган.
Португалия терма жамоаси ҳужумчиси Криштиану Роналду Миллатлар лигасининг 5-туридан ўрин олган Чехия термасига қарши ўйинда бурнини синдириб олди.
Маълумотларга кўра, у биринчи бўлимнинг ўн олтинчи дақиқасида дарвозабон Томаш Ваклик билан тўқнашиб кетган. Дарвозабон Роналдунинг бурнига қўли билан зарба берган.
Шундан сўнг Роналдунинг бурни қонаган. Терма жамоа шифокорлари қонни тўхтатишга муваффақ бўлишган, шунингдек, футболчининг бурнига дока ёпиштирилган.
Ўйин Португалия терма жамоси ғалабаси билан 4:0 ҳисобида якунланган.
