Икарди Нара билан ажрашди
Улар 2014 йил турмуш қуришганди.
Аргентиналик “Галатасарой” ҳужумчиси Мауро Икарди рафиқаси ва агенти Ванда Нара билан ажрашди. 2021 йилнинг октабрида ва шу йилнинг августида эр-хотиннинг ажралиши ҳақидаги хабарлар пайдо бўлганди. Бироқ, бу оммавий ахборот воситаларида эълон қилинганидан сўнг, Икарди ва Нара уни рад этди.
Лекин, бугунга келиб Нара Икарди билан ажрашганини ўзининг ижтимоий тармоқдаги саҳифасида маълум қилди.
“Бу лаҳзани бошдан кечириш мен учун жуда оғриқли. Аммо, оммавий ахборот воситаларидаги миш-мишларни ҳисобга олсак, ҳамма бу ҳақда мендан эшитса яхши бўларди. Бу мавзуда бошқа айтадиган гапим йўқ ва ажралиш ҳақида ҳеч қандай маълумот беришни хоҳламайман. Илтимос, нафақат мени, балки фарзандларимизни ҳам тушунишингизни сўрайман”.
Икарди ва Нара ўртасидаги муносабатлар анчадан буён ёмонлашган
Ванда Нара ва Мауро Икарди 2014 йилда турмуш қуришган. Эр-хотиннинг иккита фарзанди бор ва Наранинг собиқ футболчи Макси Лопес билан никоҳидан яна учта фарзанди бор. Ўтган йили Ванда ва Мауронинг муносабатлари бузила бошлади. Ажралиш ҳақидаги миш-мишлар асоссиз эмас эди. 2021 йилнинг ноябрь ойида “Маrca” нашри Нара Икарди модель Чина Суарес билан ишқий муносабатда бўлгани ҳақида хабар берган эди. Мауро никоҳни сақлаб қолиш учун дарҳол Вандага шартномалари (ҳозирги ва келажак), шунингдек, 2050 йилгача бўлган барча мулкига бўлган ҳуқуқларни унга ўтказди.
Шу йилнинг август ойида “АS” нашрида Икарди ва Наранинг ажрашиши ҳақидаги маълумотлар пайдо бўлди. Бир неча кундан кейин Мауро ижтимоий тармоққа севгилиси билан тушган суратини жойлаштириб, уларни рад этди.
2022 йилги мавсум оралиғи Икарди учун жуда қийин бўлди. “ПСЖ”нинг янги бош мураббийи Кристоф Галтиер аргентиналик футболчига ишонмаслигини айтди. Парижликлар Маурони сотувга қўйиб, уни жамоадан алоҳида шуғулланишга мажбур қилишди. Ванда “ПСЖ”га ҳужумчини тарк этиш қимматга тушишини айтди, лекин охир-оқибат клубдаги лавозимидан воз кечди ва шахсан эри учун янги жамоа излай бошлади.
Топ 5 чемпионат иштирокчилари орасида Маурога энг катта қизиқиш “Манчестер Юнайтед”дан бўлди. Туркиядаги вариантлар Нарага кўпроқ ёқди. “RMC Sport” хабарига кўра, Ванда Истанбулга учиб келган ва “Галатасарой” ва “Фенербахче” билан музокара олиб борган. Натижада Икарди “Галатасарой”га бир йилга ижарага берилди.
“Mundo Deportivo” хабарига кўра, Икардининг мавсумдаги маоши 6,75 миллион еврони ташкил қилади: ҳужумчи “ПСЖ”дан 6 миллион евро, “Галатасарой”дан 750 минг евро олади.
“Галатасарой”даги ижара Икардига фаолиятини тиклаш учун имконият яратади. Истанбулда у доимий ўйин амалиёти, юқори маош ва кундалик ҳаётда тўлиқ қулайликка эга бўлади.
Ванда Нара жуда прагматик шахс. Аргентина оммавий ахборот воситалари тез-тез Ванда бир мунча вақт ўтгач, Маурони бизнес активи сифатида қабул қила бошлаганини ёзганди. Бир вақтлар Макси Лопес билан ҳам шунга ўхшаш воқеа содир бўлган. Ажралишдан кейин Нара Лопесни Санта-Барбарадаги 2 миллион долларлик ва 1800 м² майдондаги уй учун судга берди.
Икардига келсак, иш судгача бориши даргумон. Мауро қонуний мажбуриятларга эга. 2050 йилгача бўлган даромаднинг бир қисми Вандага берилиши керак. Футболчи учун энг яхши келишув эмас. Аргентиналик футболчи узоқни кўра олмаслиги оқибатида жуда қимматга тушди.
Кўринишидан, Нара ажралиш вақти келди, деб қарор қилди. Асосийси, катта жанжаллар бўлмаган. Ҳа, Мауро Ванда билан ёзишмаларининг скриншотларини эълон қилди ва кейин ўчириб ташлади. У ерда уни заҳарлиликда айблади ва кейин севгисини тан олди. Нара ва Икарди келажакда доимий мулоқот қилишлари эҳтимолдан холи эмас, форвард эса фарзандларини кўриш имконияти билан боғлиқ муаммоларга дуч келмайди.
