Сенатор ва депутатлар МДҲ медаллари билан тақдирланди
Тақдирлаш маросимида МДҲ Парламентлараро Aссамблеяси Бош котиби Дмитрий Кобицкий иштирок этди.
Мустақил Давлатлар Ҳамдўстлиги Парламентлараро Ассамблеяси Кенгаши тузилганлигининг 30 йиллиги муносабати билан сенаторлар, депутатлар ҳамда вазирлик ва идоралар вакилларига юбилей медаллари ва эсдалик нишонлари топширилди. Бу ҳақда Олий Мажлис Сенати хабар берди.
Сенат Раиси Танзила Нарбаеванинг сўзларига кўра, Aссамблея МДҲ ҳудудида демократик жараёнлар ва парламентаризмни ҳамда фуқаролик жамияти институтларини ривожлантиришга муносиб ҳисса қўшмоқда.
“Ушбу медаль парламентаризмни ривожлантириш ва мустаҳкамлашдаги хизматлари, Мустақил Давлатлар Ҳамдўстлиги фаолиятининг ҳуқуқий асосларини ривожлантириш ва такомиллаштириш, халқаро муносабатлар ва парламентлараро ҳамкорликни мустаҳкамлашга қўшган ҳиссаси учун берилади”, дейилади МДҲ Парламентлараро Aссамблеяси хабарида.
