“Реал” Мбаппе ўрнига янги футболчи топди

 

Мадриднинг “Реал” клуби жаҳон футболининг асосий ёш юлдузи Килиан Мбаппенинг трансферидан ҳеч нарса умид қилгани йўқ. Жамоа Карло Анчелотти бошчилигида ажойиб ўйин кўрсатишда давом этмоқда. Клуб мавсум бошидан буён тўққизта ўйинда тўққизта ғалаба қозонди. Гўё “қаймоқранглилар”га ғалаба қозониш учун ҳужумчи керак эмас. Карим Бензема жароҳат олган, аммо натижа ёмон эмас. “El Debate” нашрининг хабарига кўра, мадридликлар келажакда “ПСЖ” ҳужумчиси номзодига қайтмоқчи эмас.

 

Манбанинг хабарига кўра, Мадрид клуби франциялик футболчи Париждаги рекорд маош сабаб музокараларга киришишни хоҳламаган деб ҳисобламоқда. “Реал Мадрид”нинг кўплаб мухлислари эса Килианнинг сотиб олинишини истамаяпти. Шу боис Испания чемпионлари трансфер бозорида бошқа номзодларни кўриб чиқишмоқда.

 

Кутилмаганда, “Реал Мадрид”нинг янги мақсадларидан бири ҳужумчи Юсуф Мукоко бўлмоқда. Испанияда хабар қилинганидек, камерунлик 17 ёшли ўйинчи ёзда текинга Мадридга ўтиши мумкин. Шу билан бирга, “қаймоқранглилар” Мукоко учун бошқа топ-клублар “Бавария”, “Манчестер Юнайтед” ва “ПСЖ” билан рақобатлашишига тўғри келади.

 

Мукоко ҳақида беш йилдан бери гапирилмоқда. 12 ёшида у “Боруссия U-17” сафида биринчи голини урди. 14 ёшида эса Ёшлар Чемпионлар лигасининг энг ёш тўпурарига айланди ва 10 миллион еврога реклама шартномасини имзолади.

 

Табиийки, ўшанда “Боруссия”да унинг ёши катта бўлиши мумкинлиги ҳақида гап-сўзлар бўлган. Аммо Мукоконинг отаси Жозефнинг айтишича, Германия футбол иттифоқи текширувидан сўнг бу борадаги барча шубҳалар йўқолганини тасдиқлаган.

 

Юсуф катта жамоаларда ўйнади, ва бир қанча рекордларни ҳам янгилади. “Боруссия U-17” таркибида у 56 ўйинда 90 та гол урган, U-19 учун эса 25 ўйинда 47 та гол муаллифига айланган. Ҳатто, Мбаппе ва Ҳоланд ҳам ёшлигида бу каби натижаларни қайд эта олмаган.

 

Профессионал футболда дебют қилиш мумкин бўлган ёшга этган Мукоко ўзи учун рекордларни қайта ёзишни давом эттирди. 16 ёшида у Чемпионлар лигаси тарихидаги энг ёш футболчига айланди. Бу Санкт-Петербургда “Зенит” билан ўйинда содир бўлганди. Юсуф 58-дақиқада захирадан майдонга тушди. Якунда “Боруссия” ғалаба қозонди. Бундан ташқари, ҳужумчи Германия чемпионатида дебют қилган энг ёш футболчига айланди (16 ёшу 1 кун) ва Бундеслига клубининг асосий таркибига қўшилди (16 ёшу 25 кун).

 

2020 йил декабрь ойида Мукоко Бундеслигада гол урган энг ёш футболчи бўлганида ҳам кўпчиликнинг олқишига сазовор бўлди. Бу “Унион” билан сафар ўйинида содир бўлди.

 

Катталар футболидаги кареранинг бошланиши яхши бўлди, аммо ўшандан бери Мукоко Германияда кутилганидек тез ривожланмади. Шу кунгача у “Боруссия Дортмунд” таркибида 46 та ўйинда майдонга тушган ва бор-йўғи 7 марта гол урган.

 

Мукоконинг ўзи 17 ёшида “Боруссия” базасида кўпроқ ўйнашига умид қилганди. Сўнгги икки йил ичида Юсуф лигаментлар ва мушаклардаги жароҳатлар туфайли 191 кунни ўтказиб юборди.

 

Агар энди Мбаппенинг “Реал”га ўтмаслиги ҳал этилган бўлса, Мукоко билан мадридликлар тезда музокарага киришиши табиий. “Қаймоқранглилар” яна бир суперюлдуз харид қилади.