Европанинг барча “янги Месси”лари

Дунёнинг номдор журналистлари иқтидорли футболчиларни Лионел Месси билан солиштиришни яхши кўрадилар. Аргентиналик футболчига ўхшаш ва унинг келажакдаги ўрнини эгалловчи ўйинчилар шунчалик кўпки, агар сиз уларни бутун дунё бўйлаб тўпласангиз, 30 дан ортиқ номлар пайдо бўлади. Кўп йиллар давомида Леонинг ўрнини босиши мумкин бўлган футболчилар деб тахмин қилинганлар якунда Мессининг даражасига яқинлаша олишмади. Қуйида Европа қитъасида бўлажак Месси дея таъриф берилган ўйинчилар ҳақида қизиқарли маълумотларга эга бўлишингиз мумкин.

Бельгиялик Месси — Эден Азар

Азар “Лилл” клубида дастлаб кўпчиликнинг эътиборига туша бошлаган пайтда бўйи кичик, аммо чаққон, тез ва вазиятни тўғри баҳолаб, ҳал эта оладиган футболчи дея қаралганди. 2011 йилда “BR” нашри футболчи ҳақида ёзган ва уни Месси билан таққослаганди: “Тўп том маънода унинг оёғига ёпишиб қолади. Ҳа, шундай. Азар ҳужумкор ярим ҳимоячи сифатида ўйнайди ва тўпни оёғида ушлаб, майдонда бемалол юра олади. Унинг тўпга ҳар бир тегиниши ҳужумни бошлаб беради”.

Нашрнинг журналистларидан бири “Агар катта клубда ишлаганимда, мен бу футболчи билан шартнома имзолаш учун бор пулимни сарфлаган бўлардим” — дея таъкидлади. Бир йил ўтгач, Азар “Челси” билан шартнома имзолади. Бу трансфер жаҳон футболининг янги юлдузи учун трамплин вазифасини бажарди. У ўз ўйини билан футболчиларни ҳам, мураббийларни ҳам ҳайратда қолдирди. Шунинг учун унинг келажаги буюк дея башорат қилинганди. Бир кун келиб бельгиялик ўйинчи футбол чўққисига кўтарилиши керак эди.

Футболчининг ўзи эса аргентиналик ўйинчига солиштиришларни камтарлик билан инкор этди: “Мен ўзимни Мессидек буюк футболчи билан солиштирмаган бўлардим. Мухлислар шунчаки ўйинимдан мазза қилишларини хоҳлайман”.

Орадан тўрт йил ўтди ва шу вақт ичида Азар Россиядаги жаҳон чемпионати ва “Реал” таркибида катта муваффақиятсизликка учради.

Мадрид клуби Азар учун 115 миллион евро тўлаганди. Аммо жароҳатлар туфайли у кўплаб ўйинларни ўтказиб юборди. Умуман олганда, Азар 480 кун даволанди, яъни Испаниядаги фаолиятида бир ярим йилни даволаниш билан ўтказиб юборди. Унинг трансфермаркт порталидаги нархи 12 миллион еврога тушиб кетди. Ҳамда ҳозирда уни ҳеч ким Месси билан солиштирмай қўйди.

Франциялик Месси — Атем Бен Арфа

Айтишларича, Атем ҳам Франциянинг иқтидорлари ва умидли футболчиларидан бири. У “Лион” клубининг болалар жамоасининг асосий футболчиларидан бири эди. Унинг чап қанотдаги ўйини кўпчиликнинг эътиборига тушди. Аммо Атем 21 ёшга тўлганида клуб билан пул масаласида жанжаллашиб қолган. Шундан сўнг у клубни тарк этган.

Шундан сўнг Атем “Марсел”га кўчиб ўтди, аммо у ерда муваффақиятга эга эриша олмайди.

Бу сафар мураббий билан можаро келиб чиқади ва у уни қўйиб юборишини сўрайди. “Нюкасл” ўтганидан сўнг Атем ажойиб ўйинлар кўрсатиб голлар ура бошлайди. Шундан кейин уни Месси билан солиштиришни бошлашади. Бироқ, бу эртак узоққа чўзилмади. Ярим ҳимоячи баҳслар давомида оёғини синдириб олади, шунинг учун у олти ойга сафдан чиқади. Кейинчалик у “Халл Сити”га ўтди ва у ерда Атем ҳеч нарсага эриша олмади. Жамоадошлари эса уни дангаса ва ношукур дея таъриф беришди. Сўнг, “ПСЖ” сафига қўшилган футболчи бу ерда ҳам ўз фаолиятини йўлга қўёлмади.

Испаниялик Месси — Боян Кркич

Мор Данияда туркиялик муҳожир оилада туғилган. Футболчилик фаолияти ҳам шу ерда бошланган. У турли ёшдаги ёшлар терма жамоаларида 22 та ўйин ўтказади. Бироқ якунда Туркия терма жамоасида ўйнашга қарор қилади. Бу кўпчиликни хафа қилади. Мор дриблинги кучли, олдиндан айтиб бўлмайдиган ва тўсатдан қарор қабул қила оладиган иқтидорли футболчи ҳисобланарди. Шундан сўнг журналистлар уни Месси билан солиштиришни бошлади. Аргентиналик футболчи унинг болаликдаги кумири бўлса ҳам, Мор бундан мамнун эмас эди.

Кейинчалик истеъдодли футболчини “Боруссия Дортмунд” 10 миллион еврога сотиб олади. Бу ерда Морнинг фаолиятида катта ўсиш кутилганди. Аммо болалигини деярли қашшоқликда ўтказган 18 ёшли йигитнинг пуллардан боши айланиб қолади. У бугунги кунда “Фенербахче”да ўйнаб келмоқда.

Кркич ёшлар даражасида ажралиб чиқди. У “Барселона” сафидаги дебютини ўтказгунга қадар ёшлар таркибида 800 дан ортиқ гол уришга эришганди. Раҳбарият эса ёш ҳужумчидан кўп нарсани умид қилаётган эди.

Мана шу иқтидори учун у испаниялик Месси лақабини олди ва “Барса” унга профессионал шартнома таклиф қилди. 17 ёшу 19 кунлигида у катталар футболида дебют ўйинини ўтказди. Испаниялик футболчи Мессига тегишли бўлган рекордни янгилаб, “Барселона” тарихидаги энг ёш футболчига айланди. Кейин эса у “Рома”га бориб қўшилади. Жароҳатлар эса футболчининг ўзига бўлган ишончига салбий таъсир қилади. Италияда Боян илиқ таассурот қолдира олмади. “Аякс”да ҳам фаолиятини йўлга қўя олмади. Ҳозир кунда Кркич Японияда Иниеста билан бир жамоа ўйнамоқда.

Германиялик Месси — Марко Марин

Журналистлар Марин ҳақида у 18 ёшлигида оммавий тарзда ёзишган. У Мёнхенгладбахнинг “Боруссия” жамоасида дебют қилган ва мавсумни ажойиб ўтказган. Ёахим Лёв уни Евро-2008 учун кенгайтирилган таркибга киритган. Футболчи якуний рўйхатга кира олмаган бўлсада, уни барибир немис Мессиси деб аташган. Таққослашлар умуман оқланди: Маркода яхши дриблинг, креативлик ва чаққонлик бор эди, шунинг учун Марин немис истеъдодларининг истиқболли янги авлоди деб эътироф этилди. Аммо унинг фаолияти энг яхши сценарий бўйича давом этмади. “Боруссия”дан кейин у “Вердер” клубига ўтди. “Челси”да эса мураббий алмашгани сабабли ўйин амалиёти кам бўлди. Ва кейин жароҳатлар ўз таъсирини кўрсатди. Кейинчалик Испания, Италия, Бельгия, Туркияда фаолиятини давом эттирди. Унинг карьераси шу билан тугамади. Лекин даражаси юқорига кўтарилмади. Ярим ҳимоячи “Челси”ни тарк этиб, мавсумни Саудия Арабистонида ўтказди. Ҳозир Марко 33 ёшда, у янги Мессига айланмади.

Хорватиялик Месси — Ален Ҳалилович

Ҳалиловичнинг иқтидори ўсмирлик чоғида Загребнинг “Динамо” клуби академиясида кўзга ташланди. Ален ёшлар футболининг бир неча босқичларидан сўнг, асосий жамоадаги дебютини ўтказди. Чемпионлар лигасида гол урди ва икки марта “Хорватия футболи тарихидаги энг ёш” футболчи бўлди. У Премьер-лигада тўп сурди ва Европа мусобақаларида гол урди. 17 ёшида Ҳалилович Португалия билан ўйинга Хорватия терма жамоаси сафида жўнаб кетди. Бу унга кўпроқ эътибор қаратиш имконини берди.

“Мен клубнинг ўша пайтдаги футбол директори Зоран Мамич ва бир қанча хорижлик ҳамкасбларим билан гаплашдим”, — дейди журналист Александр Холига. Ундан Ҳалилович ҳақида сўрадим: “У қанақа футболчи? У кейинги Лука Модричми?”. Мамич шундай жавоб берди: “Мен бу ҳақда гапирмасликни хоҳлайман, лекин у қайсидир маънода янги Месси”.

Хорватлар айнан шундай босим Ҳалиловичнинг фаолиятини бузилишига сабаб бўлди деб ҳисоблашади.

Швейцариялик Месси — Шердан Шақири

Кўпчилик уни Месси Алп деб аташди. Унинг тезкорлиги, курашувчанлиги, узоқ масофадан зарба бериш ва тасаввур қилиш қобилияти жуда яхши эди.

“Роналду ўз устида жуда кўп ишлаган. Мессида эса туғма истеъдод бор. Бу Шақирига ҳам тегишли. У қаттиқ масъулият билан ишлаши керак. Шақири “Ливерпул”да шунчаки ўйинчи эмас, балки энг яхши футболчига айланиши мумкин”, — деганди бир неча йил олдин “Базел”нинг собиқ бош мураббийи Торстен Финк.

Лекин бу иш бермади. Шақири уч йил ичида 40 тадан сал кўпроқ ўйин ўтказди. Шундан сўнг “Лион”га йўл олди ва у ердан тўғридан-тўғри МLSга ўтиб кетди.

Швециялик Месси — Руни Баржи

Асли суриялик бўлган Баржи 7 ёшида Қувайтдан Швецияга келган. Месси унинг кумири бўлган. “Мен Мессининг видеоларини кўп марта кўрганман. Ҳужумкор ўйинчиман ва у каби ўйнашга ҳаракат қилганман. Мен ёшлигимдан Швециянинг энг яхши футболчиси бўлишни мақсад қилиб келаман ва бундан кейин ҳам шундай бўлишига умид қиламан”.

Ҳозир Баржи “Копенгаген”да ўйнайди ва Швеция ёшлар терма жамоаси аъзоси. Бош мураббий Енс Густафссоннинг айтишича, футболчи ўз ёшига нисбатан ниҳоятда етук ўйин кўрсатади. Мураббийнинг сўзларига кўра, Баржи дриблинг, ҳужумни тугатиш ва комбинацияда жуда яхши ҳаракат қилади. Ёш футболчини аллақачон ўз кумири билан солиштиришмоқда. Айни вақтда унга “Челси”, “Фееноорд”, “Бавария”, “Аякс” ва “Барселона” жамоалари қизиқиш билдирмоқда.

Полшалик Месси — Матеуш Мусяловски

2016 йилда Полша футбол федерацияси президенти Збигнев Бониек «Матеуш Муциаловски — бу исмни ёддан чиқарманг», деб ёзган эди. Полшанинг ёш иқтидори ҳақида бир мунча вақт ўтгач у 2020 йилда “Ливерпул” академиясига қўшилганида кўпчилик маълумотга эга бўлди.

Клопп тезда футболчига эътибор қаратди. Муциаловский нафақат серқирралиги, балки 18 учрашувда 133 та гол ургани, дриблинги ва икки-уч нафар футболчини яккама-якка мағлуб этиши билан ҳам эътирорга лойиқ кўрилди. Бир йил муқаддам полшалик Месси ўзининг илк профессионал шартномасини имзолади. Мутахассисларнинг фикрига кўра, уни узоқ ва ёрқин йўл кутмоқда. Албатта, агар у ўз истеъдодини барбод қилмаса.

Чехиялик Месси — Ватслав Пиларз

Пиларзни Чехия ОАВлари янги Месси деб аташган. Футболчининг ўзи ҳам бир неча бор аргентиналик футболчи унинг кумири эканлигини таъкидлаган. Чехиялик Мессининг фаолияти ғалати бўлиб чиқди. У дастлаб ўз ватанида тўп сурди. Ҳамда атиги икки йил Германияда ўйнади. Шу билан унинг Европадаги саёҳатлари якунланди.

Австриялик Месси — Юсуф Демир

Демир Германиядаги ёшлар ўртасидаги халқаро турнирда ўн беш ёшлигида майдонга тушади. Шундан кейин топ-клублар уни сотиб олишга ҳаракат қилишди. “Манчестер Сити”, “Манчестер Юнайтед”, “Боруссия Дортмунд”, “Бавария”, “Байер” ва “Рома” шулар сирасига киради. У биринчи “Рапид” клуби билан профессионал шартнома имзолади ва олти ойдан кейин дебют қилди. Клуб спорт директори Зоран Баришич футболчи ҳақида шундай деганди: “Демир - фавқулодда истеъдод эгаси”.

Юсуф кейинчалик “Барселона”га бир йилга ижарага ўтди ва яна жамоага қайтиб келди. Шу ёзда эса футболчи “Галатасарой” клуби аъзосига айланди.

Норвегиялик Месси — Мартин Одегард

Қизил сочли йигит 15 ёшида Месси тахаллуси билан “Реал Мадрид”га келади. Унга кўпчилик катта ишонч билдиришганди. Аммо ишончсиз ўйинлардан сўнг Одегард ижарага бериб юборилади. Кейинчалик Одегард Премьер-лигада ўйнаш учун “Реал Мадрид”ни тарк этишни хоҳлади. Шунинг учун у “Арсенал”га келиб қўшилади.

Шотландиялик Месси — Раян Голд

Голдни Шотландияда Месси билан солиштиришни бошлашди. Маҳаллий лига даражасида у дриблинг ва тезлиги билан ажралиб турарди. “Спортинг”га ўтаётганида, футболчи Португалияда уни Мессига ўхшатмаслигини хоҳлади. Португалияда эса кичик Мессини кўришга иштиёқмандлар жуда кўп эди. Бироқ, Голд бундай таққослашлар унинг карерасига катта таъсир кўрсатганини тан олди. Бу босимлар ўз таъсирини кўрсатди. Ҳозирда 26 ёшли футболчи МLS клубида тўп сурмоқда.

Ирландиялик Месси — Уэсли Ҳулахан

Ҳулахан ҳеч қачон топ-клубда ўйнамаган. Лекин кўпчилик уни Месси билан таққослаган. Ирландия терма жамоасининг Евро-2016да Швеция билан ўйинидан сўнг, немис журналисти футболчининг ўйинига қойил қолади ва ўз репортажида Уэслини аргентиналик футболчига ўхшатади.

Туркиялик Месси — Эмре Мор