Златан фаолиятини кино соҳасида давом эттириши мумкин
У айни вақтда жароҳати сабаб ўйинларда қатнашолмаяпти.
Златан Ибраҳимович - жаҳон футболи юлдузларидан бири. Аммо бу мавсумда швед футболчиси умуман майдонга тушмади. У тиззасидаги олган жароҳат туфайли даволанмоқда.
Дастлабки маълумотларга кўра, Италия чемпиони 2023 йилнинг январигача Златанга умид боғлай олмайди. Шунинг учун Ибраҳимович вақтни беҳуда сарфлашни хоҳламайди. У эски орзуси бўлган фильмларда роль ўйнашни амалга оширмоқчи.
Ибраҳимовичнинг атрофида узоқ вақтдан бери кино билан боғлиқ хабарлар пайдо бўла бошлаганди. Аммо бундан олдин унинг фильмларга қизиқиши юқори даражада эмасди.
2016 йилда Златан ҳақида ҳужжатли фильм олинганди. Унда келажакдаги юлдуз футболчининг муваффақиятлари ҳақида сўзлайди. Фильмда архив тасвирларидан фойдаланишган. 2021 йилда эса Гранит Рушити бош ролни ижро этган “Мен Златанман” бадиий драмаси эълон қилинди. Швециялик ҳужумчининг ўзи унда маслаҳатчи бўлиб ишлаган ва суратга олиш ишларида ёрдам берган.
Футболчининг ўзи ҳам бир неча бор фильмларда роль ўйнаш имконияти ҳақида гапирган:
“Бу “Rembo” ёки “The Bourne Identity” каби бўлади. Кўпчилик мени ёвуз қаҳрамон ролини ўйнашим кераклигини айтади. Менга актёрлар дунёсининг кўриниши ёқади”.
2022 йилда Ибраҳимовичнинг узоқ кутилган фильм дебюти бўлиб ўтди. Златан машҳур Астерих ва Обелих франшизасида Антивирус ролини ўйнади, бу ҳақда ўзи ижтимоий тармоқларда ҳам гапирди. Янги қисм 2023 йилда “Астерикс ва Обеликс: Ўрта қироллик” номи билан премьера қилинди.
Ҳужумчи бу билан тўхтаб қолмади. Италиянинг “Milan News” портали 41 ёшли швед футболчисига “Вита да Карло” ситкомининг иккинчи мавсумида суратга тушиши ҳақида хабар берди. Шуниси эътиборга лойиқки, фильмни ишлаб чиқариш ва тарқатиш “Наполи” президенти Аурелио Де Лаурентисга тегишли бўлган “Парамоунт +” интернет платформаси томонидан амалга оширилди. Мавжуд маълумотларга кўра, айнан у Ибраҳимович билан музокара олиб борган ва суратга олишда иштирок этишини талаб қилган.
Златан Ибраҳимович фаолиятини якунлаганидан кейин фаолиятини кино соҳасида давом эттириши мумкин.
