Роналдунинг рекордлари янгиланадими?
У Чемпионлар лигасида энг кўп гол урган футболчи ҳисобланади.
“Ювентус” ярим ҳимоячиси Анхел Ди Мария Чемпионлар лигаси гуруҳ босқичи 3-туридан ўрин олган “Маккаби”га қарши ўйинда учта узатмани қайд этди. Ушбу ютуғи эвазига аргентиналик футболчи голли узатмалар сони бўйича турнирнинг энг яхши футболчилари рўйхатида Лионел Мессидан ўзиб кетди. Ундан олдинда фақат Криштиану Роналду турибди.
Криштианунинг рекордлари хавф остида
Португалиялик футболчи Европадаги энг нуфузли мусобақада ажойиб натижаларга эга.
У Чемпионлар лигаси тарихидаги энг яхши тўпурар ва энг яхши ассистант ҳисобланади. Роналду турнирнинг 183 та ўйинида майдонга тушган. Шунинг учун, у ҳамон етакчилик қилиб келмоқда.
Лекин яқин келажакда яъни жорий мавсумда Криштианунинг рекордларидан бири янгиланиши мумкин. Лионел Месси ва Анхел Ди Мария унинг бу натижаларига яқин турибди.
Роналду жорий Чемпионлар лигасида қатнашмаётганини ҳисобга олса, Месси ва Ди Мария Роналдуни ортда қолдириш учун яхши имкониятга эга.
Роналду Чемпионлар лигасида 141 та гол билан пешқадамлик қилмоқда. Мессининг ҳисобида эса 127 та гол бор.
Бу йил аргентиналик футболчи ўзининг азалий рақибига ета олмаслиги аниқ. Сабаби у қолган ўйинларда камида 14 та гол уриши керак. Бу эса ҳақиқатдан бироз узоқдек туйилмоқда.
Лекин Ди Мария ёки Месси Чемпионлар Лигасидаги энг яхши ассистентлар рўйхатида биринчи ўринга чиқиши мумкин. Бунинг учун Анхелга бешта, Лионелга эса олтита ассист керак. Гуруҳ босқичида яна камида учта учрашув ва “ПСЖ” ва “Ювентус”нинг плей-оффдаги етарли имкониятларини ҳисобга олсак (дарвоқе, клублар бир гуруҳдан жой олган), бу борада янги пешқадам пайдо бўлиши мумкин.
Ростини айтсам, Ди Мариянинг биринчи рақамли ассистга айланиш имконияти кўпроқ. Бу тахмин Мессидан ўзиб кетгани учун эмас. Анхел, шунингдек, ҳар бир ўйинда ўртача голли узатма бериш бўйича турнир тарихидаги кучли уч ўйинчидан бири ҳисобланади.
Чемпионлар лигаси тўпурарлари рейтингида Роналдудан ким ўзиб кетади?
Икки йилдан сўнг Месси Чемпионлар лигаси тарихидаги энг яхши тўпурарга айланиши мумкинлигига ишониш қийин. Сабаби Роналду кейинги мавсумда ҳам турнирда ўйнамаслиги керак.
Қолган таъқибчилар орасидаги фарқ эса жуда катта. Тақибчилар рекордни такрорлашлари учун жароҳатлар туфайли Европа даражасидаги мусобақани ўтказиб юбормасликлари ва Чемпионлар Лигасининг ҳар бир мавсумида 10 га яқин гол уришлари керак бўлади. Бунга эса ишониш қийин.
Чемпионлар лигасида гол уриш бўйича айни вақтда Эрлинг Ҳоланд ажойиб натижа қайд этяпти. У мусобақанинг 22 та ўйинида 28 та гол урди. Айрим статистик маълумотлар норвегиялик футболчига катта устунлик беради. Аммо “Ман Сити” форварди кейинги бир неча йил давомида шу тезликда ўйин намойиш қилишига ишониш бироз қийин. Агар шундай бўлса, у тез орада Роналдуга етиб олади.
Айтганча, Мбаппенинг ҳозирги натижалари Роналдунинг рақамлари билан деярли бир хил. Ажабланарлиси шундаки, ҳатто Габриел Жезусда ҳам назарий жиҳатдан муваффақият қозониш имконияти бор. Бундан ташқари Винициус, Вернер, Родриго ва Санеда ҳам Роналдунинг рекордини янгилаш имконияти бор.
