Мессининг олдида учта танлов бор
Қатардаги жаҳон чемпионати унинг учун охиргиси бўлишини маълум қилди.
Лионел Месси Қатардаги жаҳон чемпионати унинг учун охиргиси бўлишини айтди. 35 ёшли ҳужумчи Аргентина терма жамоасидаги истиқболлари ҳақида бир қарорга келди. Клуб миқёсида эса вазият бутунлай бошқача. Месси қийин дилеммага дуч келди. У келаси ёзда эркин агентлик бозорига кирганидан сўнг охирги йирик шартномани имзолайдиган жамоани танлаши керак бўлади.
Унинг олдида иккита вариант турибди. Бу “ПСЖ”да қолиш ёки “Барселона”га қайтиш. Инсайдер Фабрицио Романонинг сўзларига кўра, Месси фақат шу клублар ўртасидаги танловга эътиборини қаратган. Келажакда Лео МLSга йўл олиши мумкин. Мана шу вариант унга фаолиятини чиройли якунлаш имконини бериши мумкин.
Месси жорий мавсумда “ПСЖ” ва Аргентина терма жамоаси сафида 20 та ўйинда 12 та гол урди ва 8 та голли узатмани амалга оширди. Клуб сафида 13 та ўйинда майдонга тушган ҳужумчи 8 марта гол урган ва 8 та голли узатмани амалга оширган. Бу ўтган мавсумдаги натижалардан кескин фарқ қилади. Ўшанда аргентиналик футболчи бир йил ичида “ПСЖ” сафида барча мусобақаларда бор йўғи 11 марта гол урганди.
Лео “Олтин тўп”га даъво қилишни тўхтатди ва ҳатто Франция чемпионатининг энг яхши футболчиси унвонига номзод сифатида кўрилмади. Аргентиналик футболчи охирги марта 2006/2007 йилги мавсумда “гол+пас” тизими бўйича чемпионатда 22 очкодан кам тўплаганди. Ўшанда ёш ҳужумчи “Барселона” сафида 14 та гол урган ва 3 та голли узатмани амалга оширган.
Месси фаолиятининг пасайиши ҳақида турли гаплар бошланди. Аммо аргентиналик футболчи бу фикрларни кескин рад этмоқда. Бу мавсумда у ҳужумда Килиан Мбаппе ва Неймар билан ажойиб ўйин кўрсатмоқда. Кристоф Галтиер бошчилигидаги Париж жамоаси Чемпионлар лигасида ғалаба қозониш учун жуда яхши имкониятга эга.
Месси ниҳоят Парижга мослашди. “Le Parisen” нашрининг ёзишича, бу йил Лео Францияда тўп тепаётганидан жуда ҳам мамнун. Футболчига яқин манбаларнинг таъкидлашича, унинг “ПСЖ” билан шартномани узайтириши сезиларли даражада ошган. Бироқ, Месси шошилмаяпти ва клубга якуний жавобни 2023 йилда беришини айтган.
“Барселона” президенти Жоан Лапорта ва бош мураббий Хави бир неча ой кетма-кет Мессининг жамоага қайтиши мунтазам муҳокама қилишди. Бунда маълум бўлишича, раҳбарият аргентиналикни қайтаришни хоҳламоқда.
“Маrcа” нашрининг хабарига кўра, Мессининг Каталония клубига ўтиши учун бир қанча муаммоларни ҳал қилиш керак. ОАВ хабарларига кўра, Лео Лапортани сўнгги дақиқада шартномани узайтиришни бекор қилгани, мавсум оралиғида эса клубни тарк этишга мажбур қилгани ва унга кескин муносабатда бўлган деб ҳисоблайди. Қолаверса, Мессига “Барселона” раҳбарияти у ҳақида доимий равишда омма олдида гапираётгани ёқмайди.
Аргентиналик футболчи “Барселона”даги баъзи одамларнинг унга бўлган муносабатини унутмаган. Агар у клубга қайтишга рози бўлса, бир қатор ўйинчилар ва менежерларнинг ташкилотни тарк этишини истамоқда. Қўшимчасига яна, инсайдерларнинг фикрича, Месси фақат асосий таркибдан жой кафолатланган тақдирдагина “Барса”га қайтишга рози бўлади.
“Барселона” бошидан кечирган молиявий қийинчиликларни унутмаслигимиз керак. Сўнгги пайтларда вазият бироз яхшиланди, аммо клуб ҳали ҳам маошни туширишни давом эттириши керак. Лапорта аргентиналик футболчини Каталонияга қайтариш учун кўплаб “иқтисодий дастаклар”дан фойдаланиши зарур.
Ўз навбатида, “Барселона” ҳам Леога бир қатор қарши шартларни тақдим этмоқда. “Mundo Deportivo” нашрининг хабарига кўра, Лапорта Мессининг маошини сезиларли даражада камайтиришини режалаштирган. Хави эса Леони мураббий тайинлаган режа асосида майдонда ўйнашга рози бўлишини хоҳламоқда. Бунда футболчи захирада ҳам ўйнашига тўғри келади.
Хави Лео Педри ёки Гавининг ривожланишига халақит беришини истамайди. Мураббий Мессидан қайси позицияда фойдаланиш лозимлигини таҳлил қилади. “Барса”да Роберт Левандовски борлиги сабабли аргентиналик тўққизлик позициясида ўйнай олмайди. Ўнг қанотда Лео учун қулай бўлиши мумкин.
“Барса” Мессининг қайтиши клубга маркетинг масалаларида катта фойда келтиришига ишонмоқда. Жумладан, “Барселона”нинг ўртоқлик ўйинлари ва мавсумолди турлари учун ўтадиган ўйинларнинг жозибадорлиги ошади. Жаҳон миқёсида жамоа мухлислари сони ҳам кескин ошади. Каталонияликлар “кичик” расмиятчиликни ҳал қилишлари керак. Яъни футболчи билан муносабатларни тиклаш.
Айни дамда Лапорта Месси билан қандай муносабатга киришиш кераклиги ҳақида ўйлаяпти. “Камп Ноу”да уни шарафлаш маросимини ташкил қилишлари, стадион ёнига ҳайкал қўйишлари ва уни клуб элчиси қилишлари мумкин. Бирор бу ўтмишдаги хафагарчиликларни унутишга ёрдам бермаслиги мумкин. Аммо Лапорта ушбу йўналишдаги фаолиятини давом эттирмоқчи.
Месси ҳали “Барселона” билан алоқага чиқмаган, аммо унинг Каталонияга қайтиши жуда кўп тушунмовчиликларни келтириб чиқариши аниқ. “Барса” муаммоли клубга айланиб улгурган. Жамоа “ПСЖ”дан фарқли равишда Чемпионлар лигасида ғолиб чиқиши даргумон. Парижликлар Мессига энг яхши молиявий имкониятларни таклиф қилиши мумкин. Бироқ, Леонинг Каталонияга қайтишига ҳозирча ҳеч қандай сабаб йўқ.
Айни вақтда Месси “ПСЖ” билан муваффақиятга эришиш, шунингдек, Аргентина терма жамоаси таркибида ЖЧ-2022да омадли иштирок этиш ҳақида ўйламоқда. Мавсум охирида Лео барчаси ҳақида жиддий ўйлаб кўриши керак. Аргентиналик футболчининг хато қилишга ҳаққи йўқ. Чунки бу борада омадсиз танлов бўлса, унинг фаолиятида Криштиану Роналду ҳолатига тушиши мумкин.
