“Реал” энг яхши натижасини кўрсатди
Клуб бу кўрсаткични бундан 31 йил аввал қайд этган.
“Реал” клуби Испания чемпионатида пешқадамлик қилмоқда.
Карло Анчелотти шогирдлари Ла Лига доирасидаги 8 турда 7 та ғалаба ва битта дурангга эришиб, мағлубиятсиз сериясини давом эттирмоқда. Opta статистик портали хабарига кўра, клуб 1991/92 йилги мавсумдан буён 8-турдан кейинги энг яхши натижасини кўрсатмоқда.
Сўнгги марта айнан ўша мавсум клуб 8 турда 7 ғалаба ва дурангга эришганди.
Маълумот учун: Ла Лига навбатдаги турида “Реал” 16 октябрь, якшанба куни ўз майдонида “Барселона”ни қабул қилади.
