“Ливерпул” чемпионлик пойгасидан чиқдими?
Клуб бундан ўн йил аввал хунук натижани қайд этди.
“OptaJoe” порталининг маълумотларига кўра, “Ливерпул” Англия Премьер-лигасида 2012/2013 йилги мавсумдан бери энг ёмон стартни қайд этди.
“Ливерпул” мавсумдаги дастлабки саккизта ўйинда 10 очко тўплади. Бу жамоанинг сўнгги 10 йилдаги энг ёмон натижасидир. 2012/2013 йилги мавсумда ҳам “Ливерпул” 10 очко жамғарган.
9 октябрь куни бўлиб ўтган сўнгги ўйинда “Ливерпул” “Арсенал”га 2:3 ҳисобида мағлуб бўлди. Ушбу ўйиндан сўнг клуб бош мураббийи Юрген Клопп жамоа чемпионлик пойгасидан чиқиб кетганини айтди.
“Ливерпул” ҳозирда АПЛ турнир жадвалида 10-ўринда бормоқда. “Ливерпул” АПЛнинг навбатдаги турида “Манчестер Сити”га қарши баҳс олиб боради. Ўйин 16 октябрь куни “Энфилд” стадионида бўлиб ўтади.
