Бензема жароҳатидан тузалди
У “Шахтёр”га қарши ўйинда иштирок этади.
Мадриднинг “Реал” клуби ҳужумчиси Карим Бензема Чемпионлар лигасининг 4-туридан ўрин олган “Шахтёр” билан ўтадиган бугунги ўйинда иштирок этади. Бу ҳақда “Маrcа” нашри хабар берди.
Манба берган хабарга кўра, франциялик ҳужумчи Мадрид клубининг “Хетафе” билан сўнгги ўйинини мушакларидаги жароҳат сабаб ўтказиб юборганди. Бироқ у кейинги ўйинда “Реал”нинг асосий таркибида майдонга тушади.
Бензема ушбу мавсумда Ла Лиганинг 5 та ўйинида 3 та гол ва битта голли узатмани амалга оширди. Чемпионлар лигасида ўтказган иккита ўйинида ҳужумчи гол ура олмаган.
