Роналду ногирон болаларни қўллаб-қувватлаш акциясида қатнашди
Унда “Манчестер Юнайтед”нинг бошқа футболчилари ҳам иштирок этган.
“Манчестер Юнайтед” ҳужумчиси Криштиану Роналду клуб футболчилари билан биргаликда ногирон болаларни қўллаб-қувватлаш акциясида иштирок этди.
Ёш мухлисларга клубнинг Каррингтондаги машғулот базасига ташриф буюриш имконияти берилди. Болалар футболчилардан дастхат олишди, инглиз клуби юлдузлари билан суратга тушишди ва машғулотлар маркази бўйлаб экскурцияда иштирок этишди.
“Манчестер Юнайтед”нинг юлдуз ҳужумчиси Криштиану Роналду футболкаларга имзо чекди ва бир нечта болалар билан суратга тушди. Шундан сўнг у бу ҳақда ўзининг ижтимоий тармоқлардаги саҳифасига жойлаштирди.
