Путин Қирғизистон ва Тожикистонни "яраштирмоқчи"
Остонада уч томонлама чегара масаласи муҳкоама қилинади.
13 октябр куни Қирғизистон ва Тожикистон президентлари Россия Федерацияси билан ҳамкорликда Астанада бўлиб ўтадиган Осиёда ҳамкорлик ва ишонч чоралари бўйича кенгашнинг VI саммити доирасида қирғиз-тожик чегарасидаги кескинлик бўйича уч томонлама учрашув ўтказади.
Қирғизистон Республикаси раҳбари Садир Жапаров ва Тожикистон Республикаси раҳбари Имомали Раҳмоннинг қўшма учрашуви Россия президенти Владимир Путин ташаббуси билан ташкил этилди. У Қирғизистон ва Тожикистон ўртасидаги чегара муаммоларини ҳал қилишга ёрдам беришга тайёрлигини билдирди.
Эслатиб ўтамиз, 12-13 октябр кунлари Астана шаҳрида Осиёда ҳамкорлик ва ишонч чоралари бўйича кенгашнинг VI саммити бўлиб ўтади. Унда Озарбайжон, Ироқ, Эрон, Қозоғистон, Қатар, Қирғизистон, Фаластин, Россия, Тожикистон, Туркия, Ўзбекистон ва Беларусь раҳбарлари, Вьетнам вице-президенти ва Хитой Халқ Республикаси раисининг ўринбосари иштирок этади.
Эслатиб ўтамиз, бундан аввал Москва уч томонлама саммит ўтказишни таклиф қилганди.
