Бу йилги “Golden Boy” кимга насиб этади?
Соврин учун 20 та номзод номи маълум бўлди.
“Tuttosport” нашри 21 ёшгача бўлган энг яхши футболчига бериладиган 2022 йилги “Golden Boy” мукофотига якуний 20 номзод номини эълон қилди.
Рўйхатга қуйидаги футболчилар киритилган: Жуде Беллингҳам, Карим Адееми (“Боруссия Дордмунд”), Эдуардо Камавинга (“Реал Мадрид”), Педри, Ансу Фати, Гави (“Барселона”), Антонио Силва (“Бенфика”), Фабио Карвалю (“Ливерпул”), Вилфред Нёнто (“Лидс”), Жошко Гвардиол (“РБ Лейпциг”), Жамал Муциала, Матҳис Телл, Раян Гравенбер (“Бавария”), Фабио Миретти (“Ювентус”), Нико Гонсалес (“Валенция”), Нуно Мендес (“ПСЖ”), Жоржио Скалвини (“Аталанта”), Никола Залевски (“Рома”), Бенжамин Сешко (“Ред Булл Залсбург”) ва Иенома Дестинй Удогие (“Удинезе”).
Эслатиб ўтамиз, ўтган йили бу совринни “Барселона” ярим ҳимоячиси Педри қўлга киритган эди.
