“У Ҳоланд каби бошқача эди”
Собиқ ярим ҳимоячи Пол Скоулз Роналдуга қарши биринчи баҳс қандай бўлганини гапирди.
“Манчестер Юнайтед”нинг собиқ ярим ҳимоячиси Пол Скоулз Криштиану Роналдунинг 2003 йилги мавсумолди ўйинида “Спортинг” сафида “Манчестер Юнайтед”га қарши ўйинини эслади. Ҳамда португалиялик футболчининг клубдаги фаолияти давомида 700 та гол уришга эришгани ҳақида фикр билдирди.
“Мен бу ёш футболчи кун келиб 700 та гол уради деб ўйламагандим. Ўша пайтда уни бу даражага чиқишини ҳеч ким кутмаган. Агар Роналдунинг “Реал”да амалга оширган ишларига қарасангиз, жуда ҳам шов-шувли. 2003 йилнинг августида биз “Спортинг” билан мавсумолди ўйинида қандай ўйнаганимизни эслайман. Ўша баҳсда мен бу йигитни ўзига хослигини сездим. У Ҳоланд каби бошқача эди. Ўшанда майдонда кўрсатган ўйинини кейинчалик ҳам давом эттиришини тасаввур ҳам қила олмасдим. Аммо кейин Роналдунинг эришган ютуқлари жуда ҳайратланарли бўлди. У ғайритабиий ҳужумчига айланди”, — дея Скоулзнинг сўзларидан “Рекорд БТ” нашри иқтибос келтирди.
