“Реал”нинг ҳали ҳам иштаҳаси карнай
Клуб бу футболчини қўлга киритишга жиддий киришади.
“Реал Мадрид” ўтган ёзда клубнинг таклифини рад этган “ПСЖ” ҳужумчиси Килиан Мбаппени сотиб олиш фикридан қайтган. “Қаймоқранглилар” хўжайинлари 2024 йилда “Манчестер Сити”дан Эрлинг Ҳоландни сотиб олишга эътибор қаратишмоқчи. Бу ҳақда “Маrcа” нашри хабар бермоқда.
Олдинроқ франциялик футболчи Париж клуби “Бавария”да тўп сураётган ҳужумчи Роберт Левандовскини сотиб олишни хоҳлаган. Жамоадоши Неймар эса клубни тарк этишини талаб қилган. Охир-оқибат, буларнинг ҳеч бири содир бўлмади. Бразилиялик футболчи “ПСЖ”да қолди, Роберт эса “Барселона”га ўтди.
Эслатиб ўтамиз, 23 ёшли француз футболчиси жорий мавсумда барча турнирларда 14 та ўйинда майдонга тушиб, 12 та гол уришга эришди. Аввалроқ, Мбаппе йилига 131,2 миллион евро маош оладиган дунёдаги энг кўп ойлик олувчи футболчи эканлиги маълум бўлган эди.
